Jylyna bir-aq ret keletin Naýryzdy Shymkentte toılaý kerek, dep jazdy óz facebook paraqshasynda Rýstem Ashetaev.
Bıylǵa deıin jeltoqsannyń 31-ne jańa jyldy qyrýar qarjymen dúrkiretip toılap, naýryzǵa kelgende "jetim qyzdyń toıyn" jasap kelgenbiz.
Bıyl Shymkent sol olqylyqtyń ornyn joıýǵa bastama jasaýda. Jańasha qarqynmen, ulttyq bolmysymyzdy nasıhattaý men Áz-Naýryzdy ushtastyra otyryp on kún toılaý degenimiz - bolashaqta bereri mol bastamalardyń biri. Ári, Shymkent qalasy megapolıs dárejesin alǵandyqtan, qazaqqa, qazaqstanǵa óziniń bereri de, qosary da bolýy kerek emes pe?!
Qazaqstandy aldyǵa tartýshy ortalyqtardyń birine aınalý - megapolıstiń basty qaǵıdasy.
Bıyl Shymkent megapolısi ulystyń uly kúni Áz-Naýryzdy toılaýdyń jańasha úlgisin kórsetýde. Bul úlgi bolarlyq bastama dep oılaımyn!
Árıne, bastapqyda kóbirek shyǵyndalýǵa týra keledi (Bul barlyq jańashyl bastamalarǵa qatysty qaǵıda).
Árbir aǵash jemis berýi úshin sýǵa zárý. Quıylǵan sýdyń áserinen, ýaqyty kelgende óz jemisin beredi. Jańa jobalarǵa quıylatyn qarjylar da osy sý sekildi.
Iaǵnı, qazirgi shyǵyndardy bolashaqqa quıylyp jatqan ınvestıııa dep qarasaq, mundaı aýqymdy jobalar da jaqyn bolashaqta óz jemisin bereri sózsiz.
Tek, azdaǵan ýaqyt kerek.
Brazılııanyń karnavaly men Qytaıdyń jańa jylyn toılaýy degen sııaqty, tipti sol toılaýlaryn tamashalaýǵa ishki-syrtqy týrısterdi tartatyn álemdik deńgeıdegi merekeleri bar. Bul is-sharalary da bastapqyda memlekettik qoldaýmen ótkizilip, nasıhattalyp, óz ultynyń bolmysynda jatqan dúnıesin túletip, halqynyń qoldap ketýine jol salyp berip otyrǵan. Qazir bul merekeleri ózin-ózi qarjylandyratyn kúıge jetken.
Qysqa oılasań orynsyz shyǵyn bolyp kóringenimen, alysqa oılasań Shymkettiń tutas qazaqqa túgili, bútkil álemge tanytatyn óz brendine aınaldyrýǵa bolatyn jobany kórýge bolady. Bastapqyda "kósh júre túzeledi" degendeı, azdaǵan kem-ketigi bolýy múmkin. Ony qalypty jaǵdaı dep baǵalaımyn. Oǵan bola bul jobany tutastaı syzyp tastaýdy durys kórmeımin.
Mysaly "Kóshpendiler oıynyn" Qyrǵyz aǵaıyndar óz brendine aınaldyra aldy. Kólemdi qarjy da shyǵyndaǵany daýsyz. Esesine odan zııan shekken joq.
Sol sekildi "Naýryz Shymkentten bastalady" jobasynyń artynda sarqylmas potenıaly baryn kórýge bolady.
Birer jylda bútkil Qazaqstannan qonaqtar Áz-Naýryzdy Shymkentte toılaýǵa kelip jatsa, ózin-ózi qarjylandyratyn jobaǵa aınalyp shyǵa kelmeıdi me!
Ol úshin sapaly dúnıelerdi usynýymyzǵa týra keledi. Al, sapaly dúnıe arzan bolmasy haq!
Sondyqtan, bul jobaǵa ártúrli rakýstan, ártúrli bıiktikten qarap oı qorytqan jón bolar degim keledi.
Bıylǵy jyly Shymkentte karantındik shekteýler barynyń ózinde, Áz-Naýryzdyń qalaı toılanyp jatqanyn kórip otyrsyzdar. Budan bylaıǵy jyldary bul joba tek údemeli qarqyn ala túsetinine senimdimin.
Sondyqtan, barsha qazaqstandyqtardy kelesi jyly "kózdi jumyp" on kúnge Shymkentke kelip Áz-Naýryzdy toılaýǵa shaqyramyn!
ULYSTYŃ ULY KÚNI QUTTY BOLSYN AǴAIYNDAR!
