Ákimder saılaný kerek. Olar saılanbasa halyq baqytty bola almaıdy, sebebi taǵaıyndalǵan ákimder halyqtyń qamyn eshqashan oılamaıdy. Taǵaıyndalǵan ákimder tek qana olardy taǵaıyndaǵan bastyqtarynyń sózin sóıleıdi. Saılanǵan ákim kúshti ákim, taǵaıyndalǵan ákim álsiz ákim.
Keı azamattar anaý 30 jyl boıy bılik saıraıtyn ánin áli de saırap tur. Saılanǵan ákimder mindetti túrde separatızm pıǵylyn bastaıdy, dep. Oǵan tótep beretin tásilder ol birinshiden Qylmystyq kodeks, ekinshiden saılanatyn ákimder memlekettik tilinen emtıhan tapsyrsyn, prezıdent qusap.
Ne degen qorqaqtyq ustanym. Separatızmnen qoryqsaq, onda erkin saılaýdan múldem bas tartaıyq? Májilis te, prezıdent saılanbasyn onda. Bir adamnyń dıktatýrasy jalǵastyraı bersin?
Elimizdiń Qudaıǵa shúkir 80% quryp otyrmyz, eger bılik saılanatyn bolsa, kerisinshe halyqtyń bılikke yqpaly kúsheıedi, nátıjesinde memlekettiń tutastyǵy da kúsheıedi. Ýkraınaǵa qarańdar, saılanǵan ákimder separatızmge qarsy qoldaryna qarý alyp halyqpen birge tur. Al bizde taǵaıyndalǵan ákimder halyqtan qashyp júr.
Qorqaq bolmaıyq, aǵaıyn! Ózimizge senimdi bolatyn kez keldi. Elimizdiń tutastyǵyn ustaýǵa kúshimiz jeterlik. Halyq óz ákimderin saılaý qajet, sonda ǵana ákimder halyqty tyńdaı bastaıdy. Ol elimizdiń damýynyń basty sharty dep bilem!
