«Şymkent velomarafony» öttı

1503
Adyrna.kz Telegram
https://adyrna.kz/storage/uploads/bkmQVxxcQskF1g1JtvSKzZ2yurtZXQxyCRWkldY8.jpg

Şymkentte qala tūrǧyndary arasynda salauatty ömır saltyn nasihattap, būqaralyq sportty damytu jäne velosportqa degen qyzyǧuşylyqty arttyru maqsatynda «Şymkent velomarafony» ūiymdastyryldy.

Qalalyq Dene şynyqtyru jäne sport basqarmasy mūryndyq bolǧan şaranyŋ aşylu saltanaty «Täuelsızdık» saiabaǧynda öttı. Odan keiın 350-ge juyq qatysuşy 20 şaqyrymdyq qaşyqtyqty baǧyndyru üşın İppodromǧa qarai jolǧa şyqty.

Biyl ekınşı jyl qatarynan ūiymdastyrylǧan velomarafonǧa ärtürlı jastaǧy qala tūrǧyndary qatysty. Jarystyŋ aşylu saltanatynda qalalyq Dene şynyqtyru jäne sport basqarmasy basşysynyŋ orynbasary Ermek Därmenov qatysuşylarǧa sättılık tılep, velomarafonnyŋ auqymy jyl saiyn keŋeiıp kele jatqanyn, qalada velosportty būqaralyq deŋgeide damytuǧa basymdyq berılıp otyrǧanyn jetkızdı.

Jarysqa qatysqan jas veloşabandozdardyŋ bırı – 14 jastaǧy Arman Diasūly. Ol «Şymkent velomarafonyna» biyl ekınşı ret qatysyp, būl joly da 20 şaqyrymdyq qaşyqtyqty eŋseruge niettı ekenın aitty.

Jarys qorytyndysy boiynşa üzdık nätije körsetken qatysuşylar medaldarmen jäne alǧys hattarmen marapattaldy.

Ūiymdastyruşylardyŋ aituynşa, mūndai sporttyq şaralar tūrǧyndardyŋ dene belsendılıgın arttyryp qana qoimai, qalada būqaralyq sport mädenietın qalyptastyruǧa da yqpal etedı. Äsırese, jastardy sportqa baulu, olardyŋ bos uaqytyn tiımdı ūiymdastyru jäne salauatty ömır saltyn ūstanuǧa yntalandyru – velomarafonnyŋ negızgı baǧyttarynyŋ bırı.

Sonymen qatar velomarafon qala tūrǧyndaryna özara täjıribe almasyp, sportqa degen ortaq qyzyǧuşylyq töŋıregınde bas qosuǧa mümkındık berdı. Qatysuşylar belgılengen baǧyt boiynşa qozǧalyp, özderınıŋ tözımdılıgı men fizikalyq daiyndyǧyn synady. Şara barysynda qauıpsızdık talaptaryn saqtau men jol qozǧalysy erejelerıne baǧynudyŋ maŋyzdylyǧyna da nazar audaryldy.

Aita ketu kerek, soŋǧy jyldary Şymkentte būqaralyq sportty damytuǧa baǧyttalǧan türlı jarystar men sporttyq bastamalar tūraqty türde ūiymdastyrylyp keledı. Osyndai şaralar tūrǧyndardyŋ sportpen jüielı ainalysuyna serpın berıp, belsendı ärı salauatty qoǧam qalyptastyruǧa negız bolady. Ūiymdastyruşylar aldaǧy uaqytta da velomarafonnyŋ auqymyn keŋeitıp, qatysuşylar sanyn arttyrudy közdeidı.

Pıkırler