Nur-Sultanda qala mańy baǵyttary toqtatyldy

3668
Adyrna.kz Telegram

Nur-Sultan qalasynda kóktaıǵaqqa baılanysty barlyq qala mańy baǵyttary toqtatyldy, - dep habarlaıdy «Adyrna» ulttyq portaly. Bul týraly CTS, Instagram jelisinde málim etti.

«Aýa-raıynyń qolaısyzdyǵyna baılanysty (kóktaıǵaq) qala mańyna qatynaıtyn barlyq baǵdarlardyń qozǵalysy ýaqytsha toqtatyldy», - delingen kólik kompanııasynyń habarlamasynda.

Sonymen qatar, aýa-raıyna baılanysty avtobýstar baıaý qatynaýda. Sondyqtan qalalyq avtobýstar keste boıynsha júristen kesh qatynaýy múmkin dep habarlanǵan.

Turǵyndardan túsinistikpen qaraýyn ótingen kompanııa, buǵan deıin tańerteń marshrýttyq avtobýstardyń qatysýymen eki apat oryn alǵanyn habarlaǵan bolatyn. Eske sala keteıik, búgin Nur-Sultan áýejaıyndaǵy 16 reıs ýaqytynan keshiktirilip jatyr.

«Adyrna» ulttyq portaly

Pikirler