Shymkentte bolǵan jantúrshigerlik jol apatyna baılanysty sot sheshimi shyqty. 5 adamnyń ólimine alyp kelgen avtobýs júrgizýshisi 5 jylǵa sottaldy, dep habarlaıdy «Adyrna» ulttyq portaly.
«Iýldashev oryn alǵan iske qatysty kinási dáleldenip kelesi úkim shyǵaryldy. Kúdikti 5 jylǵa bas bostandyǵynan aırylsyn»,- dep úkim shyǵardy sýdıa Janat Músiráli.
Oǵan qosa, sot sheshimine sáıkes, Iýldashev 7 jylǵa kólik tizgindeý quqyǵynan aıryldy. Kúdiktige 345-baptyń 4-bóligi «Abaısyzda eki nemese odan da kóp adamnyń ólimine ákep soqqan jol júrý erejesin buzý» boıynsha aıyp taǵylǵan edi.
Aıta keteıik, 8 sáýir kúni S.Báıterekov pen Q.Nazarbekov kóshesi qıylysynda tizginshisiz avtobýs 6 adamdy qaǵyp ketken bolatyn. Saldarynan 3 adam oqıǵa ornynda qaza tapty. Al 2 turǵyn aýrýhanada kóz jumǵan. Apattan tiri qalǵan 18 jasar Darıǵa Seıdalıeva qazir 3 top múgedegi. Ol áli kúnge em qabyldap jatyr.
«Adyrna» ulttyq portaly
