Qyrǧyzstannyŋ arnaiy qyzmetı ūiymdasqan qylmystyq topty qarjylandyrdy degen küdıkke ılıngen qazaqstandyq käsıpker Vladimir Jūmanbaevqa qatysty qylmystyq ıstı tergeudı toqtatty. Būl turaly bügın, 20 mausymda eldıŋ Ūlttyq qauıpsızdık komitetı aitty, dep habarlaidy «Adyrna» tılşısı.
Qazırgı taŋda «Kazakhmys Holding» JŞS top-menedjerınıŋ Bışkekte ekenı belgılı boldy.
«19 mausym künı qūzyrly organdar Jūmanbaevtyŋ qatysuymen jedel-ızdestıru şaralaryn jürgızdı. Nätijesınde oǧan taǧylǧan aiyptar alynyp tastaldy. Käsıpkerge qatysty sotqa deiıngı öndırıs toqtatyldy», - delıngen ŪQK habarlamasynda.
Aita keteiık, 5 mausymda Qyrǧyzstannyŋ Ūlttyq qauıpsızdık komitetı qazaqstandyq biznesmen, «Kazakhmys Holding» JŞS-nyŋ top-menedjerı Vladimir Jūmanbaevqa halyqaralyq ızdeu jariialady. Milliarder qyrǧyzstandyq bırlesken qylmystyq ūiym müşesı Asanbek Kölbaevtıŋ jūmysyn qarjylandyrdy degen küdıkke ılıngen edı. Sol künı holdingtegıler Vladimir Jūmanbaevtyŋ ŪQMK habarlamasynda körsetılgen qūrylymdarǧa qatysy joq ekenın mälımdedı.
Forbes aqparatyna süiensek, Vladimir Jūmanbaev Qazaqstandaǧy eŋ däulettı adamdar tızımınde 25-orynda tūr. Oǧan «Altyn Almas» AQ 20% tiesılı. Sondai-aq, «Qarajyra» AQ 20%, «Benkala» tau-ken kompaniiasy, «Ronson-2000» JŞS jäne «Vertex Holding» tiesılı.
Ūqsas jaŋalyqtar
