Nur-Sultanda LRT jobasyn iske asyrý kezindegi aqsha jymqyrý isi boıynsha sot tergeýi qaıta bastaldy. Otyrys barysynda qylmystyq ister jónindegi mamandandyrylǵan aýdanaralyq sottyń sýdıasy Qajymuhan Mekemtas sottalýshylardyń tyıym salynǵan múlkin tizip shyqty, - dep habarlaıdy "Adyrna" ulttyq portaly Tengrinews.kz-ke silteme jasap.
"Sot osy qylmystyq is boıynsha tergeýdi Qylmystyq is júrgizý kodeksiniń 385-baby negizinde sot tergeýinde kómeski tustar men kúmándardy sheshý úshin qaıta bastaý týraly qaýly shyǵardy. Atap aıtqanda, qaralyp jatqan iske baılanysty birqatar jaǵdaıdy, qamaýǵa alynǵan múlikti anyqtaý úshin. Jaǵdaılardy naqtylaý qajet. Sottyń sottalýshy Ábdihamıtovke birneshe suraǵy paıda boldy", - dedi sýdıa Qajymuhan Mekemtas otyrys barysynda.
Bul rette sýdıa múlik boıynsha máseleler barlyq sottalýshyǵa qatysty ekenin túsindirdi. Onyń aıtýynsha, burynǵy kásipker Ábdihamıtov pen onyń otbasy múshelerine birneshe kólik pen jyljymaıtyn múlik tirkelgen.
"Negizi bul úıdi anam óz qarajatyna satyp alǵan. Onyń zańdastyrylǵan aqshasy bar", - dedi Ábdihamıtov.
Otyrys barysynda sottalýshynyń anasyna Bentley, S-klasty Mercedes , GAZ-33022, 2013 jylǵy tórt Toyota Hiace, KamAZ jáne Toyota Camry avtokóligi tirkelgeni belgili boldy.
Ábdihamıtov otbasynyń tyıym salynǵan múlkiniń arasynda: Ábdihamıtovtyń jubaıyna tirkelgen jer ýchaskesi men elordanyń Almaty aýdanyndaǵy jeke úı, sondaı-aq birneshe turaq orny, Almaty oblysynyń Yntymaq aýylyndaǵy jeke úı bar.
Sondaı-aq, buryn Ábdihamıtov ıesi bolǵan kompanııaǵa eki avtomobıl tirkelgen - Mercedes jáne Toyota Land Cruiser.
Sýdıanyń málimetinshe, sottalýshy Tımýr Qasabaevtyń múlki arasynda 2011 jyly satyp alynǵan, jubaıyna tirkelgen Mitsubishi Pajero avtokóligi, sondaı-aq 145 500 teńge bolǵan.
Sottalýshy Ulyqbek Achılovtyń múlki arasynda elınograd aýdanyndaǵy Qosshy kentinde ıpotekaǵa satyp alynǵan jeke úıge tyıym salyndy. Qazir bank úıdi tartyp almaq, sebebi 2,5 jyl qaryz tólemegen. Sondaı-aq, oda 2006 jyldyń sáýirinde satyp alynǵan Daimler jáne 2003 jyly satyp alynǵan Land Rover kóligi bar. Achılovtyń kartochkasynda 354 946 teńge kóleminde jeke qarajat bolǵan.
Burynǵy depýtat pen Nur-Sultan máslıhatynyń hatshysy Janat Nurpeıisovtyń múlki retinde Esil aýdanyndaǵy páter men eki turaq ornyna tyıym salynǵan. Turǵyn úı 2012 jyly satyp alynyp, onyń atyna 2014 jyly tirkelgen. Sondaı-aq, onyń bir mıllıon teńgeden asa jeke qarjysy bolǵan.
Nur-Sultan qalasynyń jolaýshylar kóligi jáne avtomobıl joldary basqarmasynyń burynǵy bastyǵy Rashıd Amanjolovtyń da 2007 jyly Esil aýdanynynan satyp alynǵan páteri tirkelgen.
Sottalýshylar qorǵaýshylary sot quramyndaǵy sýdıa Qajymuhan Mekemtasqa qarsylyq bildirdi. Ótinish qabyldanbady.
Nur-Sultanda LRT salý kezindegi aqsha jymqyrý is boıynsha sot 2020 jyldyń qazanynda bastalǵan. Buǵan deıin jeti adamǵa aıyp taǵylǵany habarlanǵan bolatyn. Olardyń arasynda elordanyń jolaýshylar kóligi jáne avtomobıl joldary basqarmasynyń burynǵy bastyǵy Rashıd Amanjolov, Nur-Sultan máslıhatynyń burynǵy depýtaty jáne hatshysy Janat Nurpeıisov, "Astana Innovations" AQ basqarmasynyń burynǵy tóraǵasy Talǵat Áshim, sondaı-aq túrli kásiporyndar qyzmetkeri Ulyqbek Achılov, Tımýr Qasabaev, Dýlat Mýsenov jáne Dáýren Ábdihamıtov bolǵan.
Sybaılas jemqorlyqqa qarsy qyzmet aqparaty boıynsha, qylmystyq shemany ákimniń orynbasary Sultanbekov pen "Astana LRT" basshysy Ardan sheteldik jáne qazaqstandyq kompanııalar kómegimen uıymdastyrǵan. Ekeýine de halyqaralyq izdeý jarııalanǵan.
Ardan 2014 jyldan 2017 jylǵa deıin "Astana LRT" tóraǵasy bolǵan. Sybaılas jemqorlyqqa qarsy is-qımyl agenttiginiń málimeti boıynsha, ol urlyq deregi anyqtalǵanǵa deıin elden ketip qalǵan.
"Adyrna" ulttyq portaly
