2026 jylǧy 16 qaŋtar künı şamamen saǧat 01:03-te KZ-11 "Dossor – Qūlsary – Beineu – Saiötes – Şetpe – Jetıbai – Aqtau" avtomobil jolynyŋ 383-şı şaqyrymynda Yutong markaly jolauşylar avtobusynyŋ qatysuymen jol-kölık oqiǧasy oryn aldy. Avtobus 2025 jyldyŋ 19 jeltoqsanynda tehnikalyq baiqaudan ötken jäne "CASPIAN TRANS CORPORATION" LLC kompaniiasynda tırkelgen.
Aldyn ala mälımet boiynşa, Aqtau qalasynan Beineu auyly baǧytynda kele jatqan avtokölık jürgızuşısı ruldı basqara almai, kölık audarylyp ketken.
"Jol-kölık oqiǧasy saldarynan oqiǧa ornynda tört jolauşy qaza tauyp, üş adam ärtürlı därejedegı jaraqat alyp, medisinalyq mekemelerge jetkızıldı. Avtobusta barlyǧy 50 adam bolǧan", delıngen Kölık ministrlıgı habarlamasynda.Atalǧan avtojol uchaskesı tehnikalyq II sanatqa jatady. Jol jamylǧysy asfaltbetondy, joldyŋ enı 9 metrdı qūraidy, jol jamylǧysynda aqaular anyqtalǧan joq. Jol belgılerı bekıtılgen dislokasiiaǧa säikes tolyq kölemde ornatylǧan. Oqiǧa täulıktıŋ qaraŋǧy uaqytynda oryn alǧan.
Jol-kölık oqiǧasy kezınde kölık qūralyn 1985 jyly tuǧan jürgızuşı basqarǧan. Aldyn ala mälımet boiynşa, jol-kölık oqiǧasy bolǧan jerden şamamen 200 km būryn ekınşı jürgızuşıge auysu jüzege asyrylǧan.
Atalǧan jol-kölık oqiǧasy faktısı boiynşa Maŋǧystau oblysy Polisiia departamentı barlyq män-jailardy anyqtauǧa baǧyttalǧan qajettı tergeu şaralaryn jürgızude.
