Aqtóbelik zeınetker úsh aıdan beri óziniń tiri adam ekenin dáleldeı almaı júr, dep habarlaıdy ”Adyrna” ulttyq portaly Astana arnasyna silteme jasap.
Aqparat boıynsha, emhanadaǵy statıst-dáriger jeke sáıkestendirý nómirinde bir sandy qate jazyp, ol óliler tizimine enip ketken. Romahan Kenjebaev sol qateliktiń zardabyn áli tartyp júr. Zeınetker emhanaǵa baryp, óziniń bir kún buryn qaıtys bolǵanyn estigen. Sondyqtan onyń barlyq qujattary jaramsyz bolyp qaldy. Emhana sol kezde qateligin tolyqtaı moıyndap, qujattaryn rettep bergen. Biraq úsh aıdan beri zeınetker zeınetaqysyn ala almaı otyr.
«Úsh aı buryn bastaldy. Meni óltirip tastady. Dárigerlik qatelik dep kelip bárin istedik endi. Úsh aı boldy pensııamdy ala almaı júrmin. Kúnde erteń, arǵy kúni dep qaıtarady», – deıdi Romahan Kenjebaev.
«Azamattarǵa arnalǵan úkimet» korporaııasynyń oblystyq fılıalyna zeınetkerdiń qaza bolǵany týraly málimet 7 qazanda túsken. Zań boıynsha, keler aıdan bastap zeınetaqy tóleý toqtatylǵan. Al qatelik ketkenin bul ortalyqtyń mamandary tek úsh apta buryn ǵana estipti.
«Málimet anyqtalǵan boıda Azamattarǵa arnalǵan úkimet korporaııasynyń qyzmetkerleri barlyq sharalardy oryndap, atalǵan azamattyń zeınetaqysy aldyndaǵy aıdyń 1-inen bastap júrgiziletin bolady», – dedi «Azamattarǵa arnalǵan úkimet» memlekettik korporaısy Aqtóbe oblystyq fılıalynyń PR-menedjeri Asylgúl Aıdarova.
