Aqtöbelık zeinetker üş aidan berı özınıŋ tırı adam ekenın däleldei almai jür, dep habarlaidy ”Adyrna” ūlttyq portaly Astana arnasyna sılteme jasap.
Aqparat boiynşa, emhanadaǧy statist-därıger jeke säikestendıru nömırınde bır sandy qate jazyp, ol ölıler tızımıne enıp ketken. Romahan Kenjebaev sol qatelıktıŋ zardabyn älı tartyp jür. Zeinetker emhanaǧa baryp, özınıŋ bır kün būryn qaitys bolǧanyn estıgen. Sondyqtan onyŋ barlyq qūjattary jaramsyz bolyp qaldy. Emhana sol kezde qatelıgın tolyqtai moiyndap, qūjattaryn rettep bergen. Bıraq üş aidan berı zeinetker zeinetaqysyn ala almai otyr.
«Üş ai būryn bastaldy. Menı öltırıp tastady. Därıgerlık qatelık dep kelıp bärın ıstedık endı. Üş ai boldy pensiiamdy ala almai jürmın. Künde erteŋ, arǧy künı dep qaitarady», – deidı Romahan Kenjebaev.«Azamattarǧa arnalǧan ükımet» korporasiiasynyŋ oblystyq filialyna zeinetkerdıŋ qaza bolǧany turaly mälımet 7 qazanda tüsken. Zaŋ boiynşa, keler aidan bastap zeinetaqy töleu toqtatylǧan. Al qatelık ketkenın būl ortalyqtyŋ mamandary tek üş apta būryn ǧana estıptı.
«Mälımet anyqtalǧan boida Azamattarǧa arnalǧan ükımet korporasiiasynyŋ qyzmetkerlerı barlyq şaralardy oryndap, atalǧan azamattyŋ zeinetaqysy aldyndaǧy aidyŋ 1-ınen bastap jürgızıletın bolady», – dedı «Azamattarǧa arnalǧan ükımet» memlekettık korporasisy Aqtöbe oblystyq filialynyŋ PR-menedjerı Asylgül Aidarova.
Ūqsas jaŋalyqtar
