Oralda 13 jastaǵy ógeı qyzyn zorlady dep aıyptalǵan qala turǵyny sotta jaýapqa tartylýda dep habarlaıdy "Astana" telearnasy.
Batys Qazaqstan oblystyq sotynyń málimetine sáıkes, is qylmystyq kodekstiń eki baby boıynsha qozǵalypty. Jábirlenýshi tarap sottalýshyǵa qatań jaza qoldanýdy talap etip otyr.
Jábirlenýshi kúıeýiniń soqqysyna shydap kelgenin alǵa tartty. Kezekti urys-keris shegine jetkende, úlken qyzy ógeı ákesiniń ózine jasaǵan ozbyrlyǵyn jylap otyryp jetkizipti. Sodan keıin anasy birden polıeılerge júgingen.
"Qyzym bul sumdyqtan áli esin jııar emes. Qazir emdelip jatyr, psıhologtar onyń qaıta qalpyna kelýi, áli 4-5 jylǵa sozylatynyn aıtady. Al mundaı aýyr jan jarasy ómir boıyna qalady deıdi. Shynymdy aıtsam, kúıeýimnen qatty qorqamyn. Qazir qyzdarymnyń taǵdyry qyl ústinde tur. Sondyqtan sot ádil jazasyn beredi dep úmittenemin", - deıdi jábirlenýshi.
Aıyptalýshy tarap bolsa, taǵylǵan aıyptarmen kelispeı otyr. Biraq suhbat berýden bas tartty. Al advokaty bul istiń núktesin sot qoıatynyn alǵa tartty.
"Búgin sotta ózime belgili bolǵan aqparatty aıtpaýǵa mindettelip, qol qoıdym. Konstıtýııaǵa sáıkes, kinási dáleldenip, sot úkimi shyqpaıynsha, eshkimdi kinálaýǵa bolmaıdy. Sondyqtan, sot isti ádil qaraıdy dep senemiz", - deıdi aıyptalýshynyń qorǵaýshysy Mereke Ǵabdýalıev.
Is sotta jabyq jaǵdaıda qaralýda.
"Aıyptalýshy qylmystyq kodekstiń 121-babynyń 4-bóligi, 124-babynyń 2-bóligimen, ıaǵnı seksýaldyq sıpattaǵy zorlyq-zombylyq jáne jas balany azǵyndyq jolǵa túsirý degen bap boıynsha sotqa berildi", - deıdi BQO soty baspasóz qyzmetiniń basshysy Nurgúl Qanatbaeva.
Ajyrasýǵa aryz bergen erli-zaıyptylar búginde aradaǵy dúnıe-múlikti de ózara bóliske salypty. Al aıyptalýshynyń jasóspirimge zábir kórsetkeni dáleldense, zań boıynsha 7 jyldan 20 jylǵa deıin bas bostandyǵynan aıyrý jazasy qarastyrylǵan.
