Astanadaǧy Prezidenttık ortalyqta «Ädılettı jäne Progressivtı Qazaqstannyŋ Halyqtyq Konstitusiiasy üşın!» Jalpyūlttyq koalisiiasynyŋ qorytyndy otyrysy öttı. Is-şaraǧa saiasi partiialardyŋ ökılderı, qoǧamdyq ūiymdar, Parlament deputattary, sarapşylar jäne qoǧamdyq pıkır köşbasşylary qatysty. Respublikalyq referendum qarsaŋyndaǧy kezdesuge qatysuşylar tüsındıru jūmysyn qorytyndylap, qoǧam tarapynan jaŋa Konstitusiia jobasyna joǧary deŋgeide qoldau körsetılgenın atap öttı.
Is-şarada Parlament Mäjılısınıŋ Töraǧasy Erlan Qoşanov, Memlekettık keŋesşı Erlan Qarin, Premer-Ministrdıŋ orynbasary – Mädeniet jäne aqparat ministrı Aida Balaeva jäne özge de azamattar söz söiledı.
Otyrysty aşqan Jalpyūlttyq koalisiia jetekşısı Erlan Qoşanov aldaǧy referendumnyŋ tarihi maŋyzyn atap ötıp, memleket pen qoǧam damuynyŋ jaŋa kezeŋı bastalatynyn mälımdedı. Onyŋ aituynşa, Koalisiia müşelerı elımızdegı qalalar men auyldardyŋ barlyq derlıgın aralap, milliondaǧan azamatpen kezdesken kezde eŋ negızgı dünienı baiqady – qazaqstandyqtar jaŋa Konstitusiia qūndylyqtaryn qoldaidy jäne el bolaşaǧyn osy qūjatpen bailanystyrady.
«Bız jaŋa Ata zaŋmen jaŋa däuırge qadam basqaly otyrmyz. Būl – myŋdaǧan jyldyq tarihtyŋ tynysy sezılıp tūrǧan Konstitusiia. Jastardyŋ ruhy jalyndap tūrǧan Konstitusiia. Halyqtyŋ ünı jaŋǧyryp tūrǧan Konstitusiia. Jaŋa Konstitusiiada Prezidenttıŋ özındık qoltaŋbasy, ömırlık ūstanymy men reformatorlyq stilı aiqyn aŋǧarylyp tūr. Memleket basşysy bar bılımın, mol täjıribesın, bükıl küş-jıgerın elıne, halqynyŋ bolaşaǧyna arnap kele jatqanyn aituǧa tiıspız», – dedı ol.
Erlan Qoşanov Jalpyūlttyq koalisiianyŋ barşa müşesıne, saiasi partiialardyŋ, qoǧamdyq bırlestıkterdıŋ, käsıpodaqtardyŋ ökılderıne, belsendı jastar men volonterlerge atqarǧan jūmystary üşın alǧysyn bıldırdı. Az uaqytta tūtas el aumaǧynda ondaǧan myŋ ıs-şara ötkızılıp, milliondaǧan azamat qamtyldy. Koalisiia müşelerı türlı mamandyq ielerımen jäne äleumettık toptardyŋ ökılderımen – şahterlermen, metallurgtermen, studenttermen, ǧalymdarmen, därıgerlermen, mūǧalımdermen, käsıpkerlermen, jastarmen, IT salasynyŋ mamandarymen, mädeniet jäne öner qairatkerlerımen bırqatar kezdesu ötkızdı. Şalǧai auyldarda, eŋbek ūjymdarynda, joǧary oqu oryndarynda, auruhanalarda, mektepterde, şahtalar men zauyttarda da mazmūndy ärı aşyq jüzdesuler öttı. Barlyq kezdesu barysynda azamattar jaŋa Konstitusiia normalary jönınde aşyq pıkır bıldırıp, belsendı türde sūraq qoiyp, öz oilarymen bölıstı.
Memlekettık keŋesşı Erlan Qarin öŋırlerde ötken kezdesulerde azamattardyŋ basym bölıgı jaŋa Konstitusiiany qoldap otyrǧanyn jetkızdı.
«Būl qoldaudyŋ özegı – qarapaiym azamattardyŋ Memleket basşysyna jäne onyŋ bastamasymen jüzege asyrylyp jatqan özgerısterge degen ümıtı men senımı. Iаǧni, elımızdegı özgerısterdıŋ basty tıregı – halyqtyŋ senımı. Eger, halyq bilıkke senbese, Prezidentke arqa süiemese, reformalardy jüzege asyru da, olardy tıptı bastau da qiyn bolatyn edı. Qarapaiym azamattardyŋ senımı men halyqtyŋ qoldauy bızge osyndai jüielı, tereŋ özgerısterdı jüzege asyruǧa küş berıp otyr», – dedı Erlan Qarin.
Premer-Ministrdıŋ orynbasary – Mädeniet jäne aqparat ministrı Aida Balaeva jaŋa Konstitusiia keşegı künnıŋ taǧlymyn bügıngı taŋnyŋ önegesımen jalǧaityn jasampaz qadam. Onyŋ aituynşa, jaŋa Ata Zaŋda Qazaqstan damuynyŋ Täuelsızdık pen teŋdık, zaŋ men tärtıp, ädıldık pen bırlık syndy negızgı qaǧidattary körınıs tapty. Ol jaŋa Konstitusiia qabyldau qadamy azamattardyŋ bolaşaqqa degen senımın nyǧaitudyŋ berık negızıne ainalatynyn jäne Qazaqstandy jasandy intellekt däuırınde zamanaui, joǧary tehnologiialyq memleket retınde ılgerıletuge mümkındık beretının atap öttı.
Otyrysqa qatysuşylar atap ötkendei, elımızdıŋ barlyq öŋırde azamattar Ata Zaŋ jobasynan özderı üşın maŋyzdy ärı janyna jaqyn normalardy, olardyŋ müddelerı men qūqyqtaryn qorǧaityn erejelerdı köretının mälımdedı. Äsırese «adam memleket üşın emes, memleket adam üşın» qaǧidatyn bekıtetın, sondai-aq adam kapitalyn damytuǧa, ǧylymdy, innovasiialardy, bılım men mädeniettı qoldauǧa baǧyttalǧan jaŋa normalar keŋ qoldau tapty. Ädıldık ideialary, Zaŋ jäne Tärtıp, Taza Qazaqstan, Adal Azamat qaǧidattary, Ūly Dalanyŋ myŋjyldyq tarihynyŋ sabaqtastyǧyn saqtau turaly bastamalar da el azamattarynyŋ köŋılınen şyǧyp, halyqtyŋ oiymen ūştasty. Būl qaǧidattar Konstitusiianyŋ preambulasynda aiqyndalyp, qūjattyŋ barlyq babynyŋ özegıne ainaldy. Memleket basşysy olardy uaqtyly ūsynyp, jaŋa qūjat qoǧamdy ūiystyrdy jäne memlekettıŋ aldaǧy damuyna qajet berık qūqyqtyq negızge ainaldy.
Sondai-aq Koalisiia Prezident saiasatyna jäne jaŋa Konstitusiiaǧa qoldau körsetu maqsatynda elımızdegı qoǧamdyq-saiasi bırlestıkterdı bırıktırgen bırtūtas küşke ainalǧany erekşe atap ötıldı. Onyŋ qūramyna bes saiasi partiia jäne şamamen 300 qoǧamdyq ūiym kırdı. Olar şamamen 5 million qazaqstandyq azamattyŋ müddesın bıldırdı. Būl qoǧamdaǧy türlı instituttyŋ küş-jıgerın elımızdıŋ jarqyn bolaşaǧy jolynda aşyq ärı mazmūndy jalpyūlttyq dialog jürgızu syndy maŋyzdy memlekettık mındet töŋıregınde toptastyruǧa mümkındık berdı.
Is-şara barysynda Mäjılıs deputattary Ashat Aimaǧambetov, İrina Smirnova, Janarbek Äşımjanov, Ekaterina Smoliakova, memleket jäne qoǧam qairatkerı Jaqsybek Qūlekeev, «Ädıl söz» halyqaralyq söz bostandyǧyn qorǧau qorynyŋ prezidentı Qarlyǧaş Jamanqūlova, Maŋǧystau oblystyq mäslihatynyŋ deputaty Aiat Sügırbai, jurnalist Nūrbek Matjani söz söiledı.
Otyrys soŋynda qatysuşylar Koalisiia jūmysy mūnymen aiaqtalmaitynyn atap öttı. Konstitusiiany qabyldau – el tarihyndaǧy jaŋa kezeŋnıŋ bastamasy. Koalisiia qūramyna engen barlyq ūiym Ata Zaŋdaǧy jaŋaşyl normalardy jüzege asyru jūmysyn jalǧastyryp, olardyŋ mänın jäne qoǧamǧa beretın mümkındıkterın azamattarǧa tereŋ tüsındıruge atsalysady. Koalisiia müşelerı barşa qazaqstandyqty aldaǧy referendumǧa qatysuǧa şaqyryp, är azamattyŋ dauysy memleket bolaşaǧyna jäne Ädılettı ärı Progressivtı Qazaqstannyŋ damuyna yqpal etetının atap öttı.
Daiyndaǧan: «AMANAT MEDIA GROUP» JŞS
Tapsyrys beruşı: M.J. Ospanov
«AMANAT» partiiasy» QB qarajatynan tölendı
