Túrkistan oblysy Qazaqstandaǵy eń kedeı oblys dep anyqtaldy. Sarapshylar bul aımaqta halyq tyǵyz ári kóp ornalasqandyǵyna qaramastan, onyń ár 10-turǵyny kedeılik sheginde dep habarlaıdy «Adyrna» ulttyq portaly, Finprom.kz-ke silteme jasap.
2020 jyldyń sońynda Túrkistan oblysynyń halyq sany 2 mıllıonnan asty. Bul qazaqstandyqtardyń jalpy sanynyń 10,8 paıyzyn quraıdy. Aımaq, qunarlylyǵy jaǵynan da kósh bastap tur.
2020 jyldyń 9 aıynyń qorytyndysy boıynsha Túrkistan oblysynda jan basyna shaqqandaǵy jalpy óńirlik ónim 729,2 myń teńgeni qurady. Bul eldiń basqa aımaqtaryna qaraǵanda eń tómengi kórsetkish. Ortasha respýblıkalyq deńgeıden 70,2 paıyzǵa tómen deıdi sarapshylar.
Sondaı-aq mamandardyń aıtýynsha, eldiń ózge aımaqtarynda jumyssyzdyq deńgeıi ózgerissiz qaldy tipti, keıbirinde tómendegen. Al Túrkistan oblysynda jumyssyzdyq deńgeıi órship, 5,3 paıyzǵa deıin ósken.Sarapshylardyń pikirinshe, bul Qazaqstan úshin qolaısyz jaǵdaılardyń biri.
«Túrkistan aımaǵynyń kedeılik deńgeıi eldegi eń joǵary deńgeı bolyp tur. Osylaısha tabysy kúnkóris deńgeıinen tómen halyqtyń aımaqtaǵy úlesi 11,2 paıyzdy qurady. Bul Qazaqstannyń ortasha deńgeıinen 2 esege kóp (5,7 paıyz) .
Túrkistan oblysynda kedeılik sheginde turǵan 229 myńǵa jýyq adam bar. Olardyń basym kópshiligi ash tipti, azyqsyz. Bilimge jáne basqa da negizgi áleýmettik qyzmetterge qol jetimdilikteri shekteýli. Olar áleýmettik kemsitýshilik pen oqshaýlanýdyń sheginde kórinedi », - dep jazady sarapshylar.
Túrkistan aımaǵynda kedeılik kórsetkishiniń joǵarylyǵy men ómir súrý deńgeıiniń tómen bolýyna baılanysty turǵyndar bul aımaqty jıi tastap ketedi. 2020 jyly oblystan 107,5 myń adam kóship ketken. Al kóshi-qon saldosy −19,7 myń adamdy qurady. Bul Qazaqstan Respýblıkasynyń ózge aımaqtarymen salystyrǵanda eń tómengi kórsetkish.
Túrkistan oblysynda jumyssyzdyq pen kedeılik jaǵdaıy nasharlaı túskenine qaramastan, ákimdik halyqty qoldaýǵa az kóńil bólýde.
«Adyrna» ulttyq portaly
