Türkıstan oblysy Qazaqstandaǧy eŋ kedei oblys dep anyqtaldy. Sarapşylar būl aimaqta halyq tyǧyz ärı köp ornalasqandyǧyna qaramastan, onyŋ är 10-tūrǧyny kedeilık şegınde dep habarlaidy «Adyrna» ūlttyq portaly, Finprom.kz-ke sılteme jasap.
2020 jyldyŋ soŋynda Türkıstan oblysynyŋ halyq sany 2 millionnan asty. Būl qazaqstandyqtardyŋ jalpy sanynyŋ 10,8 paiyzyn qūraidy. Aimaq, qūnarlylyǧy jaǧynan da köş bastap tūr.
2020 jyldyŋ 9 aiynyŋ qorytyndysy boiynşa Türkıstan oblysynda jan basyna şaqqandaǧy jalpy öŋırlık önım 729,2 myŋ teŋgenı qūrady. Būl eldıŋ basqa aimaqtaryna qaraǧanda eŋ tömengı körsetkış. Ortaşa respublikalyq deŋgeiden 70,2 paiyzǧa tömen deidı sarapşylar.
Sondai-aq mamandardyŋ aituynşa, eldıŋ özge aimaqtarynda jūmyssyzdyq deŋgeiı özgerıssız qaldy tıptı, keibırınde tömendegen. Al Türkıstan oblysynda jūmyssyzdyq deŋgeiı örşıp, 5,3 paiyzǧa deiın ösken.Sarapşylardyŋ pıkırınşe, būl Qazaqstan üşın qolaisyz jaǧdailardyŋ bırı.
«Türkıstan aimaǧynyŋ kedeilık deŋgeiı eldegı eŋ joǧary deŋgei bolyp tūr. Osylaişa tabysy künkörıs deŋgeiınen tömen halyqtyŋ aimaqtaǧy ülesı 11,2 paiyzdy qūrady. Būl Qazaqstannyŋ ortaşa deŋgeiınen 2 esege köp (5,7 paiyz) .
Türkıstan oblysynda kedeilık şegınde tūrǧan 229 myŋǧa juyq adam bar. Olardyŋ basym köpşılıgı aş tıptı, azyqsyz. Bılımge jäne basqa da negızgı äleumettık qyzmetterge qol jetımdılıkterı şekteulı. Olar äleumettık kemsıtuşılık pen oqşaulanudyŋ şegınde körınedı », - dep jazady sarapşylar.
Türkıstan aimaǧynda kedeilık körsetkışınıŋ joǧarylyǧy men ömır süru deŋgeiınıŋ tömen boluyna bailanysty tūrǧyndar būl aimaqty jiı tastap ketedı. 2020 jyly oblystan 107,5 myŋ adam köşıp ketken. Al köşı-qon saldosy −19,7 myŋ adamdy qūrady. Būl Qazaqstan Respublikasynyŋ özge aimaqtarymen salystyrǧanda eŋ tömengı körsetkış.
Türkıstan oblysynda jūmyssyzdyq pen kedeilık jaǧdaiy naşarlai tüskenıne qaramastan, äkımdık halyqty qoldauǧa az köŋıl bölude.
«Adyrna» ūlttyq portaly
Ūqsas jaŋalyqtar
