قازاقستانداعى ەڭ كەدەي وبلىس انىقتالدى

4024
Adyrna.kz Telegram

تۇركىستان وبلىسى قازاقستانداعى ەڭ كەدەي وبلىس دەپ انىقتالدى. ساراپشىلار بۇل ايماقتا حالىق تىعىز ءارى كوپ ورنالاسقاندىعىنا قاراماستان، ونىڭ ءار 10-تۇرعىنى كەدەيلىك شەگىندە دەپ حابارلايدى «ادىرنا» ۇلتتىق پورتالى، Finprom.kz-كە سىلتەمە جاساپ.

2020 جىلدىڭ سوڭىندا تۇركىستان وبلىسىنىڭ حالىق سانى 2 ميلليوننان استى. بۇل قازاقستاندىقتاردىڭ جالپى سانىنىڭ 10,8 پايىزىن قۇرايدى. ايماق، قۇنارلىلىعى جاعىنان دا كوش باستاپ تۇر.

2020 جىلدىڭ 9 ايىنىڭ قورىتىندىسى بويىنشا تۇركىستان وبلىسىندا جان باسىنا شاققانداعى جالپى وڭىرلىك ءونىم 729,2 مىڭ تەڭگەنى قۇرادى. بۇل ەلدىڭ باسقا ايماقتارىنا قاراعاندا ەڭ تومەنگى كورسەتكىش. ورتاشا رەسپۋبليكالىق دەڭگەيدەن 70,2 پايىزعا تومەن دەيدى ساراپشىلار.

سونداي-اق مامانداردىڭ ايتۋىنشا، ەلدىڭ وزگە ايماقتارىندا جۇمىسسىزدىق دەڭگەيى وزگەرىسسىز قالدى ءتىپتى، كەيبىرىندە تومەندەگەن. ال تۇركىستان وبلىسىندا جۇمىسسىزدىق دەڭگەيى ءورشىپ، 5,3 پايىزعا دەيىن وسكەن.ساراپشىلاردىڭ پىكىرىنشە، بۇل قازاقستان ءۇشىن قولايسىز جاعدايلاردىڭ ءبىرى.

«تۇركىستان ايماعىنىڭ كەدەيلىك دەڭگەيى ەلدەگى ەڭ جوعارى دەڭگەي بولىپ تۇر. وسىلايشا تابىسى كۇنكورىس دەڭگەيىنەن تومەن حالىقتىڭ ايماقتاعى ۇلەسى 11,2 پايىزدى قۇرادى. بۇل قازاقستاننىڭ ورتاشا دەڭگەيىنەن 2 ەسەگە كوپ (5,7 پايىز) .

تۇركىستان وبلىسىندا كەدەيلىك شەگىندە تۇرعان 229 مىڭعا جۋىق ادام بار. ولاردىڭ باسىم كوپشىلىگى اش ءتىپتى، ازىقسىز. بىلىمگە جانە باسقا دا نەگىزگى الەۋمەتتىك قىزمەتتەرگە قول جەتىمدىلىكتەرى شەكتەۋلى. ولار الەۋمەتتىك كەمسىتۋشىلىك پەن وقشاۋلانۋدىڭ شەگىندە كورىنەدى »، - دەپ جازادى ساراپشىلار.

تۇركىستان ايماعىندا كەدەيلىك كورسەتكىشىنىڭ جوعارىلىعى مەن ءومىر ءسۇرۋ دەڭگەيىنىڭ تومەن بولۋىنا بايلانىستى تۇرعىندار بۇل ايماقتى ءجيى تاستاپ كەتەدى. 2020 جىلى وبلىستان 107,5 مىڭ ادام كوشىپ كەتكەن. ال كوشى-قون سالدوسى −19,7 مىڭ ادامدى قۇرادى. بۇل قازاقستان رەسپۋبليكاسىنىڭ وزگە ايماقتارىمەن سالىستىرعاندا ەڭ تومەنگى كورسەتكىش.

تۇركىستان وبلىسىندا جۇمىسسىزدىق پەن كەدەيلىك جاعدايى ناشارلاي تۇسكەنىنە قاراماستان، اكىمدىك حالىقتى قولداۋعا از كوڭىل بولۋدە.

«ادىرنا» ۇلتتىق پورتالى

پىكىرلەر