M.S.Nárikbaev atyndaǵy KAZGIýÝ Ýnıversıtetinde jýrnalısterge arnalǵan aǵylshyn tilinde sóıleý klýby ashyldy. «English speaking club» - aǵylshyn tilinde sóıleý daǵdysyn jetildirýge jáne zamanaýı jýrnalıske qajet quzyrettilikterdi damytýǵa múmkindik beretin áleýmettik joba, – deıdi uıymdastyrýshylar.
Atalǵan klýb jumys barysynda búkil álemge tanymal Cambridge English, Macmillan Academy, National Geographic Publishing, Pearson Education Ltd, Oxford English baǵdarlamalaryna negizdelgen úzdik tildik tájirıbelerdi paıdalanady. Klýb kezdesýlerin halyqaralyq sertıfıkattary bar bilikti mamandar ótkizedi.
«Jobanyń oqytý ádistemesi kommýnıkatıvtik tásilge negizdelgen. Bul jýrnalısterge aǵylshyn tilinde erkin qarym-qatynas ornatyp, pikir almasýǵa múmkindik beredi. Klýbtyń beıresmı kezdesýleri aptasyna eki ret onlaın jáne oflaın formatta ótkiziledi», - dep atap ótti joba jetekshisi Aıgerim Shaıheslıamova.
Sondaı-aq jetekshi joba qatysýshylaryn irikteý aıaqtalǵanyn, osy aptada aǵylshyn tilinde sóıleý klýbynyń alǵashqy kezdesýi ótetinin aıtty.
M.S. Nárikbaev atyndaǵy
KAZGIýÝ Ýnıversıteti
