Elim deıtin bir bóri týylsa, ony talaıtyn eki ıt qosa týylady
Áleýmettik jelidegi jurtty eleń etkizgen "JIGITTIŃ JAQSYSY - TÚRMEDE, ATTYŃ JAQSYSY- KERMEDE" atty Demos QB tóraǵasy Qusaıynov Turarbektiń maqalasy «Adyrna» ulttyq portalyna shyǵyp (adyrna.kz), qyzý talqylaýǵa tústi. Biraq avtor belgili qoǵam belsendileri Aron Atabek pen Maks Boqaevtyń jeke basyna qarata jazǵan postyn búgin alyp tastapty. Soǵan baılanysty men de óz oıymdy aıta ketkim keldi. Belgili azamattyń bulaı sóıleýine men de jaýap bergim keldi.
Bizdiń qoǵam óte uzaq ýaqyt boıy ózine kósh bastaıyn tulǵany izdeýmen keldi. Osy ýaqytqa deıin bizdiń qoǵamda óziniń ishinen shyqqan kóshbasshyny qoldaýǵa daıyn buqaranyń demokratııalyq qundylyqtarǵa jumys jasaýy jáne prınıpshildigi pisip jetildi me? 30 jyl boıyna bizdiń qoǵamda oppozıııalyq toptan bolsyn, azamattyq qoǵamnyń ortasynan bolsyn bir tulǵanyń halyqty sońynan jetektep ketetin ýaqyty da boldy emes pe... Tulǵalar bar. Oǵan eretin halyq bar ma? Biraq, nege ekeni túsiniksiz, tulǵanyń eshbiri bizdiń qoǵamnyń talǵamyna saı keletin túri joq. Shynyn aıtqanda, bizge qandaı tulǵa kerek? Óte qıyn suraq.
Biz qoǵam bolyp adam balasyna túsiniksiz bir jolaıryqqa kelip turmyz. Bul bárimizdi oılandyrsa da, bir sheshimge kele almaýdamyz. Tulǵa shyqsa, ony jerden alyp jerge salamyz. Biraq jumyla otyryp, sol tulǵanyń sońynan erip, ony qoldap, quzyrly ornyna otyrǵyzatyn qoǵam emes sııaqtymyz. Bulaı sóıleýdiń ózi de aýyr. Kópti kinálaý da durys emes. Keshirersizder! Biz ne isteýimiz kerek?
Osy ýaqytqa deıin halyqtyń oı-sanasynda halyq batyrlary bolyp kelgen azamattyq qoǵamnyń belsendilerin Qusaıynov Turarbek maqtamen baýyzdapty. Onyń oıynsha, Aron men Maks túrmedegi oryndy yńǵaıly kóripti. Sebebi, olarǵa qoǵam belsendileriniń tarapynan barlyq jaǵdaılar jasalyp otyr eken. Óz basym osyǵan sene almaımyn. Bul múmkin de emes. Sonda túrmede otyrǵan Aron men Makske barlyq jaǵdaıdy Turarbek jasap otyrǵan ba? Belgili azamatqa osylaı bósýdiń ózi uıattaý bolar.
Ár tustan attandap shapqylaǵan osyndaı belsendiler turǵanda, bizdiń qoǵamnyń eshqashan da basy birikpeıdi. Múmkin qoldan biriktirmeı otyrǵan shyǵar... Qazirgi jaǵdaıda qoǵamnyń ortaq ıdeıaǵa birigip, jumys jasap ketýi múmkin emes sııaqty. Batyrdy maıdan týdyrady degen ertedegi qaǵıda qazirgi aqparattyq, tehnologııalyq zamanda júre bermeıdi. Sebebi, bizdiń zaman bilim men birliktiń ǵana zamany. Biz qashan bilimdi, bilikti, kásibı adamdar bola alamyz, sonda ǵana ulttyq ortaq ıdeıalarǵa jumys jasaı bastaımyz. Oǵan deıin bul bolmaıdy.
Muny jaza otyryp, men óz basym bireýdi aqtamaımyn da, dattamaımyn da. Meni oılandyratyn bir suraq bar. Biz mynadaı túrimizben ózimizdiń talǵamymyzǵa saı keletin kóshbasshyny qaıdan tabamyz? Ortaq ulttyq ıdeıalarǵa birige otyryp jumys jasaı almaıtyn qoǵam kósh bastap shyǵatyn azamattardyń qadirine jete me? Zamanaýı proeske, saıası aǵymǵa realı kózqaraspen qaramaı, jalǵyzdy alǵa salyp qoıyp, biz eshqashan da kóshbasshy tulǵany taba almaımyz.
Meniń oıymdaǵy Maks – ol jerdiń taǵdyry úshin túrmede otyrdy.
Meniń oıymdaǵy Aron – ol halyqtyń joǵyn joqtap 10 jyldap áli kúnge deıin túrmede otyr.
Aramyzda osyndaı Turarbekter kóbeıse, qazirgi turaqtylyq ta saqtalyp tura beretin sııaqty.
Turarbek, saǵan suraq. Túrmedegi Aron men Makstyń jaǵdaıyn sen jasap júrgensiń be?
Bekbolat QARJAN,
«Adyrna» ulttyq portaly
