Tarazdaǵy joıqyn jeldiń saldary belgili boldy, dep habarlady qala ákimdiginiń baspasóz qyzmeti.
"Qala boıynsha 10 kópqabatty turǵyn úıdiń 1 405 sharshy metr shatyry zaqymdaldy. Shatyrlardy qalpyna keltirý jumystary merdigerler tarapynan jedel iske asyrylatyn bolady. Sondaı-aq, 15 móltek aýdany №14 úıdiń 20 sharshy metr balkony jáne 3 metr gaz qubyryna zalal keltirildi. Qala kóshelerinde 3 elektr baǵanasy qulady", - dep habarlady qala ákiminiń baspasóz qyzmeti.
Ákimdikte atap ótkendeı, qazirgi ýaqytta "Taraz Jaryq" JShS-nyń 3 brıgadasy baǵanalardy qalpyna keltirip qoıǵan.
"4 kóshede 6 jerden elektr jelileri úzilip, "Taraz qalalyq elektr júıeleri" mekemesi tarapynan jóndeý jumystary júrgizildi. Sondaı-aq, elektr jaryǵynyń óshýine baılanysty, dıspetcherlik qyzmetke 5 ótinish túsip, bul jumystar jedel brıgadalar tarapynan iske qosyldy", - dedi jergilikti bılik ókili.
Daýyl bastalǵan ýaqyt ishinde qala kóshelerindegi 20 baǵdarsham isten shyqty. Ony qalpyna keltirý jumystary boıynsha jumystar atqarylýda.
