11 qazanda Qazaqstannyŋ bırqatar öŋırınde qolaisyz aua raiyna bailanysty dauyldy eskertu jariialandy. «Qazgidromet» RMK mälımetınşe, kei aimaqtarda tūman tüsıp, jeldıŋ jyldamdyǧy sekundyna 22 metrge deiın jetuı mümkın. Sonymen qatar bırneşe oblysta ört qaupı joǧary jäne tötenşe deŋgeide saqtalady, dep habarlaidy "Adyrna".
Sinoptikterdıŋ boljamy boiynşa, tüngı jäne taŋǧy uaqytta Abai, Aqtöbe, Atyrau, Aqmola, Şyǧys Qazaqstan, Jambyl, Batys Qazaqstan, Qaraǧandy, Qostanai, Maŋǧystau, Pavlodar, Soltüstık Qazaqstan jäne Ūlytau oblystarynda tūman kütıledı.
Kündız Aqmola, Qostanai jäne Soltüstık Qazaqstan oblystarynda jeldıŋ ekpını 15-20 m/s-qa deiın küşeiuı yqtimal. Mūndai jel Jambyl jäne Türkıstan oblystarynyŋ tauly aimaqtarynda da boljanyp otyr.
Jetısu oblysyndaǧy Alaköl kölderı maŋynda soltüstık-şyǧys baǧyttaǧy jeldıŋ jyldamdyǧy kündız 17-22 m/s-qa deiın jetuı mümkın.
Būdan bölek, Aqtöbe, Atyrau, Jetısu, Batys Qazaqstan, Qostanai jäne Maŋǧystau oblystarynyŋ keibır aumaqtarynda joǧary ört qaupı saqtalady. Al Aqtöbe oblysynyŋ batysy, oŋtüstıgı men ortalyǧynda, sondai-aq Ūlytau oblysynyŋ osy bölıkterınde tötenşe ört qaupı boljanyp otyr.
Mamandar tūrǧyndarǧa aua raiynyŋ özgerısterın eskerıp, saqtyq şaralaryn ūstanuǧa keŋes beredı.
