Taraz qalasynda №53 mektep-gimnaziianyŋ aldynda er adam özın örtemek bolǧan oqiǧa tırkeldı, dep habarlaidy "Adyrna" ūlttyq portaly İnformbiuroǧa sıltep.
Qala äkımınıŋ esebıne qatysqan tūrǧyn päter kezegınıŋ jyljymaitynyna narazylyǧyn bıldırıp, basşynyŋ jauabyna qanaǧattanbaǧan soŋ osyndai qadamǧa barǧan.
Jergılıktı bilıktıŋ mälımetınşe, ot qoiǧan azamat jalǧyzbasty äke bolǧan jäne özıne qol jūmsau äreketıne baspananyŋ joqtyǧy sebep boluy mümkın. Oqiǧa ornyna jetken qūtqaruşylar ony aman alyp qalǧan. Er adam jeŋıl jaraqat alǧan, bıraq onyŋ psihikalyq dispanserde esepte tūratyny belgılı boldy.
Būǧan deiın Maŋǧystau oblysy äkımdıgı aldynda azamattardyŋ bırınıŋ özın örtegenı turaly habarlanǧan edı.
Ūqsas jaŋalyqtar
