Türkıstan oblysy tūrǧynynyŋ özıne amanattalǧan qos bauyryna qoly jetpei jür. Qytaida qalǧan ınısınıŋ 8 jäne 10 jastaǧy qos perzentın Saryaǧaş audany bılım bölımındegıler tartyp äketken.
Endı olardy köru üşın 130 şaqyrym jol jürıp Şymkentke keledı, dep habarlady "Astana" arnasy.
Saryaǧaş audanynyŋ tūrǧyny Qūrmanǧazy Jamalbek 19 qaraşadan berı üş kün saiyn Şymkentke sabylyp jür. Aituynşa, Qytaida tūratyn ınısı 2019 jyldyŋ jeltoqsanynda ekı perzentın mektepke ornalastyru üşın elge äkelgen. Aǧasyna senım hat räsımdep, özı kerı qaitqan.
"Karantinge bailanysty öte almai jatyr. Şekara aşylatyn bolsa qazır-aq keleiın dep tūr. Balalardyŋ myna jerde jatqanyn olar da qalamaidy. Bauyrlarym aşulanyp jatyr. Bız atajūrtymyzǧa köşemız dep otyrsaq, balalarymyzdy qamap qoidy", - deidı Saryaǧaş audanynyŋ tūrǧyny Qūrmanǧazy Jamalbek.Aita keterlıgı, beiımdeu ortalyǧynda balalar 90 kündei ǧana bola alady. Qazır körsetılgen merzım aiaqtaluǧa taiau. Qūjat der kezınde räsımdelıp bıtpese, balalar Qytaiǧa kerı deportasiialanuy äbden mümkın. "Bız köşı-qon organdaryna hat joldadyq. Odan keiın balalar qūqyǧyn qorǧau jönındegı komitetke de, özımızdıŋ basşylyqqa da, basqarmaǧa da hattar joldandy. Tiısınşe şeşıp beremız degen jauaptar alynyp jatyr", - deidı Şymkent qalasy bılım basqarmasy kämeletke tolmaǧandardy beiımdeu ortalyǧy direktorynyŋ orynbasary Nazgül Qūrmanalieva. Al Saryaǧaş audandyq bılım bölımındegılerdıŋ öz uäjı bar. Olar būl jaǧdai balalardy ortalyqqa ötkızgenge deiın äbden zertteldı dep otyr. "Tūrmystyq jaǧdaiy sai kelmedı. Ol kısınıŋ tabys közı joq edı. Tūraqty tūratyn jerı joq. Meşıt janyndaǧy üide tūrdy. Ūl men qyzdyŋ jatatyn orny bölek bolu kerek", - dep tüsındırdı Saryaǧaş audandyq bılım bölımınıŋ ädıskerı Aibek Qūlqaraev. Bılım bölımındegılerdıŋ bıluınşe, Qūrmanǧazy Jamalovtyŋ öz bauyrlaryn qamqorlyǧyna alatyn bır ǧana mümkındıgı bar körınedı. Ol üşın jasöspırımder Qytai azamaty bolǧandyqtan qamqorşylyqqa aluǧa rūqsatty sol jaqtan aldyrtu qajet. Mūnan soŋ aǧalary üş ailyq kurstan ötıp, balalarǧa jaǧdai jasalǧannan keiın ǧana qoly jetedı dedı.
Ūqsas jaŋalyqtar
