Almatydaǧy jaldamaly päterlerdıŋ bırınde tuǧan äkesı ekı ūlyn aiausyzdyqpen öltırgen. Äjesınıŋ aituynşa, qatıgez äke balalaryn auruhanaǧa aparamyn dep alyp ketken, dep habarlaidy "Adyrna" ūlttyq portaly Massaget.kz-ke sılteme jasap.
Belgılı bolǧandai, balalardyŋ ülkenı 5-synypta, al kışısı biyl 2-synypta oqidy eken. 88 jastaǧy zeinetker Valentina Osina küieu balasy şöberelerın "jaqsy körmegenın", tıptı özıne qarsy qoiǧanyn jetkızdı. "Ol eşqaşan menıŋ şöberelerımdı jaqsy körmegen. Tıptı tuǧan künımen qūttyqtamaityn. Onyŋ 7 bauyry, 2 äpkesı bar. Solardyŋ tek bıreuı habarlasty, qalǧandary bauyrlarynyŋ äreketı dūrys dep sanaidy. Üilerdıŋ bärıne kamera qoiyp, menı baqylap jürdı. "Senıŋ ornyŋ qoqysta", - dep menı balaǧattap, ünemı üiden quatyn. Balalarǧa: "Äjelerıŋdı iterıŋder, qoqys laqtyryŋdar", - dep naşar tärbie berdı. 10 märte uchaskelık poliseidı şaqyrdym. Olar maǧan basqa jerge köşuımdı ūsyndy. Alaida men şöberelerımdı qimadym. Balalardy 4 jeltoqsan künı auruhanaǧa alyp ketken bolatyn. Aqyry osylai aiaqtaldy", - deidı marqūm balalardyŋ äjesı Valentina Osina. Kışı balasy meningitpen auyrǧandyqtan, estu qabıletı naşarlaǧan. Oqu mausymy bastalǧannan berı üiden bılım alypty. Äkesı balany özı aparyp, emdetıp jürgen. Būl joly da balalardy "Auruhanaǧa aparamyn" dep alyp ketken. Kuägerlerdıŋ aituynşa, ol balalardy öltırgennen keiın beinejazbaǧa tüsırıp, bauyrlarynyŋ bırıne jıbergen. Balalaryn öltırgen äkenıŋ būl äreketı esırtkıge elıtkendıkten nemese aşy sudyŋ buymen jasady degen boljamdar da aityldy. Alaida būl tek boljam ǧana. Er adamnyŋ balalardy qandai qarumen, qalai öltırgenı de belgısız. Tek marqūmdardyŋ betınen tılıngen pyşaq ızderı baiqalǧan. Keşe, 8 qaŋtarda balalardyŋ denesı jer qoinyna tapsyryldy."Adyrna" ülttyq portaly
Ūqsas jaŋalyqtar
