31 jeltoqsan kúni Taldyqorǵan qalasynyń shetinde ornalasqan eki qabatty jeke úıde jarylys bolyp, bir otbasynyń jeti múshesi kúıik pen jaraqat alyp, qalalyq aýrýhanalarǵa jetkizildi, dep habarlaıdy "Adyrna" ulttyq portaly.
Jetisý oblysy TJD málimetinshe, jarylys saldarynan úıdiń ekinshi qabaty, qabyrǵalary men shatyry qulap, 120 sharshy metr aýmaqta órt shyqqan.
"Aldyn ala boljam boıynsha, órt tabıǵı gazdyń aǵýynan paıda bolǵan gaz-aýa qospasynyń jarylýynan bolǵan. Barlyq zardap shekkender túrli dárejede kúıik alǵan", – dep habarlady oblystyq TJD baspasóz qyzmeti.
Gazdyń qaı jerde aǵyp ketkeni ázirge belgisiz. Oqıǵa boıynsha Qylmystyq kodekstiń 306-babynyń 2-bóligi "Qaýipsizdik talaptaryna saı kelmeıtin taýarlar shyǵarý nemese ótkizý, jumystar oryndaý ne qyzmetter kórsetý" boıynsha qylmystyq is qozǵaldy.
Oblystyq densaýlyq saqtaý basqarmasy zardap shekkenderdiń jaǵdaıy týraly ázirge aqparat bergen joq. Belgilisi – barlyq jeti adam bir otbasynyń músheleri jáne ártúrli medıınalyq mekemelerge jatqyzylǵan. Olardyń úsheýi – kámelet jasyna tolmaǵan balalar.
Oqıǵa ornynda jergilikti gaz kompanııasynyń mamandary men quqyq qorǵaý organdarynyń qyzmetkerleri jumysyn jalǵastyrýda. Tergeý oblystyq polıııa departamentine tapsyrylǵan, qajetti saraptamalar júrgizilýde.
