"Aq jol" Demokratiialyq partiiasy Jer turaly Zaŋǧa engızuge resmi türde öz ūsynystaryn joldady. Eske sala keteiık, osy jyldyŋ 20 qaŋtarynda fraksiia atynan deputattyq saual jariialaǧan Berık Düisembinov taiau arada moratorii merzımınıŋ aiaqtalatynyna bailanysty Jer mäselesıne nükte qoiuǧa şaqyrdy. Barşaŋyzǧa belgılı, 2016 jyly elımızde rezonans tuǧyzǧan mitingılerden keiın, Elbasy auyl şaruaşylyǧy maqsatyndaǧy jerlerdı paidalanu mäselesı boiynşa Jer kodeksınıŋ keibır normalaryna moratorii engızgen.
Bügınde osy moratoriidıŋ aiaqtaluyna sanauly uaqyt qaldy. Osy oraida, Memleket basşysy Qasym-Jomart Toqaev 2019 jylǧy şıldede Ükımettıŋ keŋeitılgen otyrysynda: «Jer jūmys ısteitın adamdarǧa berıluı tiıs. Jer öndırıstıŋ basty faktory, tiımdılık pen aşyqtyq bolmasa, auyldy damyta almaimyz. 2021 jyly Jer kodeksınıŋ keibır normalaryna moratorii aiaqtalady. Būl mäsele boiynşa naqty şeşım qabyldanuy tiıs. Būl turaly Parlament deputattary, saiasi partiialar, qoǧam oi qosady dep ümıttenemın», - dep, Ükımetke naqty tapsyrma bergen edı.
«Aq jol» partiiasy 2016 jyly Ükımettıŋ janyndaǧy Jer jönındegı komissiiaǧa şeteldık kompaniialar men azamattaryna jerdı satuǧa da, jalǧa beruge tyiym salu turaly ūsynystaryn joldaǧan edı, bıraq sol kezde belgısız sebeptermen, Komissiianyŋ qorytyndy Hattamasyna engızılmei qaldy.
"Aq jol" partiiasy Prezident Qasym-Jomart Kemelūly Toqaevtyŋ jer mäselesıne qatysty ūstanymyn tolyq qoldai otyryp jäne moratorii merzımınıŋ aiaqtaluyn eskerıp, jer zaŋnamasyna jedel türde tiıstı tüzetuler engızu qajet dep sanaidy."Joǧaryda aitylǧandardy eskere otyryp, «Aq jol» partiiasy Qazaqstan Respublikasynyŋ Ükımetıne Jer kodeksıne tiıstı özgerıster men tolyqtyrulardy engızıp, eldı alaŋdatqan jer dauynyŋ şeşıluıne nükte qoiylu kerek dep bıledı. Ūsynysymyz qabyldanbaǧan jaǧdaida, «Aq jol» partiiasy Jer kodeksıne öz tarapynan özgerıster engızuge daiyn ekendıgın bıldıredı", - degen bolatyn fraksiia deputaty B.Düisembinov QR Ükımetıne joldaǧan deputattyq saualynda. Osyǧan säikes, saual joldanǧannan keiın 3 apta ötken soŋ, bıraq Ükımetten jauap bolmaǧan soŋ partiia resmi türde öz ūsynystaryn joldady. Atap aitsaq: - Jer uchaskelerı şeteldıkterge, azamattyǧy joq adamdarǧa, şeteldıktermen nemese azamattyǧy joq adamdarmen nekede tūrǧan (erlı-zaiypty) Qazaqstan Respublikasynyŋ azamattaryna, sondai-aq şeteldık zaŋdy tūlǧalarǧa jäne şeteldık qatysuy bar Qazaqstan Respublikasynyŋ zaŋdy tūlǧalaryna menşık qūqyǧymen tiesılı bola almaidy. - Qazaqstan Respublikasynyŋ azamattary şeteldıktermen nemese azamattyǧy joq adamdarmen neke qiǧan (erlı-zaiypty bolǧan) kezde, jer uchaskelerıne menşık qūqyǧy osy Kodekstıŋ 66-babynyŋ normalaryna säikes qaita resımdeluge nemese ielıkten şyǧaryluǧa jatady. - Qazaqstan Respublikasy zaŋdy tūlǧasynyŋ qatysuşylary (aksionerlerı) qūramyna şeteldık nemese azamattyǧy joq adam, şeteldık zaŋdy tūlǧa, Qazaqstan Respublikasynyŋ şeteldık qatysatyn zaŋdy tūlǧasy kırgen kezde, jer uchaskelerıne menşık qūqyǧy osy Kodekstıŋ 66-babynyŋ normalaryna säikes qaita resımdeuge nemese ielıkten şyǧaruǧa jatady. - Memlekettık menşiktegi auyl şaruaşylyǧy maqsatyndaǧy jer uchaskelerı osy Kodekstıŋ 23-babyna säikes, Qazaqstan Respublikasynyŋ azamattaryna jäne Qazaqstan Respublikasynyŋ zaŋdy tūlǧalaryna jer paidalanu qūqyǧymen berıle alady. - Ūlttyq qauıpsızdıktı, aumaqtyq tūtastyqty qamtamasyz etu, separatistık ürdısterdı boldyrmau maqsatynda, Qazaqstan Respublikasymen tıkelei qūrlyqtyq jäne teŋız şekarasy bar memleketterdıŋ şeteldık azamattary men zaŋdy tūlǧalary üşın, sondai-aq jarǧylyq kapitalynda tiıstı memleketterdıŋ jeke jäne zaŋdy tūlǧalarynyŋ qatysu ülesterı (aksiialar paketterı) bar Qazaqstan Respublikasynyŋ zaŋdy tūlǧalaryna qatysty uaqytşa jer paidalanu qūqyǧyn beruge jol berılmeidı.
"Aq jol" demokratiialyq
partiiasynyŋ baspasöz qyzmetı
Ūqsas jaŋalyqtar
