"شەتەلدىكتەرگە جەردى ساتۋعا دا، جالعا بەرۋگە دە بولمايدى!"

4360
Adyrna.kz Telegram

"اق جول" دەموكراتيالىق پارتياسى جەر تۋرالى زاڭعا ەنگىزۋگە رەسمي تۇردە ءوز ۇسىنىستارىن جولدادى. ەسكە سالا كەتەيىك، وسى جىلدىڭ 20 قاڭتارىندا فراكتسيا اتىنان دەپۋتاتتىق ساۋال جاريالاعان بەرىك دۇيسەمبينوۆ تاياۋ ارادا موراتوري مەرزىمىنىڭ اياقتالاتىنىنا بايلانىستى جەر ماسەلەسىنە نۇكتە قويۋعا شاقىردى. بارشاڭىزعا بەلگىلى، 2016 جىلى ەلىمىزدە رەزونانس تۋعىزعان ميتينگىلەردەن كەيىن، ەلباسى اۋىل شارۋاشىلىعى ماقساتىنداعى جەرلەردى پايدالانۋ ماسەلەسى بويىنشا جەر كودەكسىنىڭ كەيبىر نورمالارىنا موراتوري ەنگىزگەن.

بۇگىندە وسى ءموراتوريدىڭ اياقتالۋىنا ساناۋلى ۋاقىت قالدى. وسى ورايدا، مەملەكەت باسشىسى قاسىم-جومارت توقاەۆ 2019 جىلعى شىلدەدە ۇكىمەتتىڭ كەڭەيتىلگەن وتىرىسىندا: «جەر جۇمىس ىستەيتىن ادامدارعا بەرىلۋى ءتيىس. جەر ءوندىرىستىڭ باستى فاكتورى، تيىمدىلىك پەن اشىقتىق بولماسا، اۋىلدى دامىتا المايمىز. 2021 جىلى جەر كودەكسىنىڭ كەيبىر نورمالارىنا موراتوري اياقتالادى. بۇل ماسەلە بويىنشا ناقتى شەشىم قابىلدانۋى ءتيىس. بۇل تۋرالى پارلامەنت دەپۋتاتتارى، ساياسي پارتيالار، قوعام وي قوسادى دەپ ۇمىتتەنەمىن»، - دەپ، ۇكىمەتكە ناقتى تاپسىرما بەرگەن ەدى.

«اق جول» پارتياسى 2016 جىلى ۇكىمەتتىڭ جانىنداعى جەر جونىندەگى كوميسسياعا شەتەلدىك كومپانيالار مەن ازاماتتارىنا جەردى ساتۋعا دا، جالعا بەرۋگە  تىيىم سالۋ تۋرالى ۇسىنىستارىن جولداعان ەدى، بىراق سول كەزدە بەلگىسىز سەبەپتەرمەن، كوميسسيانىڭ قورىتىندى حاتتاماسىنا ەنگىزىلمەي قالدى.

"اق جول" پارتياسى پرەزيدەنت قاسىم-جومارت كەمەلۇلى توقاەۆتىڭ جەر ماسەلەسىنە قاتىستى ۇستانىمىن تولىق قولداي وتىرىپ جانە موراتوري مەرزىمىنىڭ اياقتالۋىن ەسكەرىپ، جەر زاڭناماسىنا جەدەل تۇردە ءتيىستى تۇزەتۋلەر ەنگىزۋ قاجەت دەپ سانايدى.

"جوعارىدا ايتىلعانداردى ەسكەرە وتىرىپ، «اق جول» پارتياسى قازاقستان رەسپۋبليكاسىنىڭ ۇكىمەتىنە جەر كودەكسىنە ءتيىستى وزگەرىستەر مەن تولىقتىرۋلاردى ەنگىزىپ، ەلدى الاڭداتقان جەر داۋىنىڭ شەشىلۋىنە نۇكتە قويىلۋ كەرەك دەپ بىلەدى. ۇسىنىسىمىز قابىلدانباعان جاعدايدا، «اق جول» پارتياسى جەر كودەكسىنە ءوز تاراپىنان وزگەرىستەر ەنگىزۋگە دايىن ەكەندىگىن بىلدىرەدى", - دەگەن بولاتىن فراكتسيا دەپۋتاتى ب.دۇيسەمبينوۆ قر ۇكىمەتىنە جولداعان دەپۋتاتتىق ساۋالىندا.

وسىعان سايكەس، ساۋال جولدانعاننان كەيىن 3 اپتا وتكەن سوڭ، بىراق ۇكىمەتتەن جاۋاپ بولماعان سوڭ پارتيا رەسمي تۇردە ءوز ۇسىنىستارىن جولدادى. اتاپ ايتساق:

- جەر ۋچاسكەلەرى شەتەلدىكتەرگە، ازاماتتىعى جوق ادامدارعا، شەتەلدىكتەرمەن نەمەسە ازاماتتىعى جوق ادامدارمەن نەكەدە تۇرعان (ەرلى-زايىپتى) قازاقستان رەسپۋبليكاسىنىڭ ازاماتتارىنا، سونداي-اق شەتەلدىك زاڭدى تۇلعالارعا جانە شەتەلدىك قاتىسۋى بار قازاقستان رەسپۋبليكاسىنىڭ زاڭدى تۇلعالارىنا مەنشىك قۇقىعىمەن تيەسىلى بولا المايدى.

- قازاقستان رەسپۋبليكاسىنىڭ ازاماتتارى شەتەلدىكتەرمەن نەمەسە ازاماتتىعى جوق ادامدارمەن نەكە قيعان (ەرلى-زايىپتى بولعان) كەزدە، جەر ۋچاسكەلەرىنە مەنشىك قۇقىعى وسى كودەكستىڭ 66-بابىنىڭ نورمالارىنا سايكەس قايتا رەسىمدەلۋگە نەمەسە يەلىكتەن شىعارىلۋعا جاتادى.

- قازاقستان رەسپۋبليكاسى زاڭدى تۇلعاسىنىڭ قاتىسۋشىلارى (اكتسيونەرلەرى) قۇرامىنا شەتەلدىك نەمەسە ازاماتتىعى جوق ادام، شەتەلدىك زاڭدى تۇلعا، قازاقستان رەسپۋبليكاسىنىڭ شەتەلدىك قاتىساتىن زاڭدى تۇلعاسى كىرگەن كەزدە، جەر ۋچاسكەلەرىنە مەنشىك قۇقىعى وسى كودەكستىڭ 66-بابىنىڭ نورمالارىنا سايكەس قايتا رەسىمدەۋگە نەمەسە يەلىكتەن شىعارۋعا جاتادى.

- مەملەكەتتىك مەنشiكتەگi اۋىل شارۋاشىلىعى ماقساتىنداعى جەر ۋچاسكەلەرى وسى كودەكستىڭ 23-بابىنا سايكەس، قازاقستان رەسپۋبليكاسىنىڭ ازاماتتارىنا جانە قازاقستان رەسپۋبليكاسىنىڭ زاڭدى تۇلعالارىنا جەر پايدالانۋ قۇقىعىمەن بەرىلە الادى.

- ۇلتتىق قاۋىپسىزدىكتى، اۋماقتىق تۇتاستىقتى قامتاماسىز ەتۋ، سەپاراتيستىك ۇردىستەردى بولدىرماۋ ماقساتىندا، قازاقستان رەسپۋبليكاسىمەن تىكەلەي قۇرلىقتىق جانە تەڭىز شەكاراسى بار مەملەكەتتەردىڭ شەتەلدىك ازاماتتارى مەن زاڭدى تۇلعالارى ءۇشىن، سونداي-اق جارعىلىق كاپيتالىندا ءتيىستى مەملەكەتتەردىڭ جەكە جانە زاڭدى تۇلعالارىنىڭ قاتىسۋ ۇلەستەرى (اكتسيالار پاكەتتەرى) بار قازاقستان رەسپۋبليكاسىنىڭ زاڭدى تۇلعالارىنا قاتىستى ۋاقىتشا جەر پايدالانۋ قۇقىعىن بەرۋگە جول بەرىلمەيدى.

"اق جول" دەموكراتيالىق

پارتياسىنىڭ ءباسپاسوز قىزمەتى

پىكىرلەر