Jekpe-jek alaŋynda jartylai orta salmaqta atoi salǧan jerlesımız, käsıpqoi boksşy Batyr Jükembaev (18-0, 14 KO) kelesı kezdesuın nauryzdyŋ 10-y künı künı AQŞ-ta ötkızedı, dep habarlaidy "Adyrna" ūlttyq portaly.
Şarşy alaŋda jeŋılıp körmegen jerlesımız Amerikada Konnektikut ştatyndaǧy Ankasville qalasynda ornalasqan Mohegan Sun sport keşenınde ötkızedı. Būl kezdesudı tıkelei efirde AQŞ-taǧy Showtime telearnasy körsetuge daiyn ekenın mälımdedı.
Batyr käsıpqoi bokstaǧy osyǧan deiıngı barlyq kezdesulerın Kanadada ötkızgen bolatyn. Otandasymyz ol jaqta Eye of the Tiger Management promouterlık kompaniiasymen kelısımde. Jaqynda ol AQŞ-qa köşuıne bailanysty, aldaǧy kezdesulerın sol jaqta ötkızudı josparlap otyr.
Aldyŋǧy jekpe-jegın Batyr ötken jyldyŋ qaŋtar aiynda Monreal qalasynda ötkızıp, meksikalyq boksşy Rikardo Larudan (22-8, 10 KO) basym tüsken bolatyn.
Batyr Jükembaev - 1991 jyly 5 säuırde Jambyl oblysynyŋ Şu qalasynda düniege kelgen. Jartylai orta salmaq därejesınde öner körsetetın Qazaqstannyŋ käsıbi boksşysy IBO ūiymynyŋ nūsqasy boiynşa älem chempiony. Bokspen käsıbi türde Almatyda şūǧyldana bastady. Batyr - jastar arasynda Qazaqstan chempiony, studentter arasyndaǧy Qazaqstan chempiony, Qazaqstan, Ukraina, Finliandiiadaǧy halyqaralyq turnirlerdıŋ jeŋımpazy. 2019 jyldyŋ qazan aiyna qarai Djukembaev käsıbi ringte 16 jekpe-jek ötkızdı jäne onyŋ 13-ı nokautpen aiaqtaldy.
2017 jyldyŋ qaŋtarynda Batyr Jükembaev Kanadalyq «12 raund» jurnalynyŋ nominasiiasynda 2016 jyldyŋ eŋ perspektivtı boksşysy dep tanyldy. Jurnalda «25 jastaǧy Qazaqstandyq talantty boksşy jetı jeŋıstı jekpe-jegınıŋ altauyn nokautpen aiaqtady, bız onyŋ 2017 jyly ringke öner körsetuın asyǧa kütemız», - dep jazylǧan bolatyn.
Ūlarbek Däleiūly
Ūqsas jaŋalyqtar
