Monşa keşenderınıŋ sudy tūtynu kölemı jylyna şamamen 120 mln tekşe metrdı qūraidy. Būl turaly Su resurstary jäne irrigasiia ministrı Nūrjan Nūrjıgıtov Mäjılıste ötken döŋgelek üstelde aitty, dep habarlaidy “Adyrna” ūlttyq portaly.
Onyŋ aituynşa, sudy qaita paidalanu tiımdılıgın arttyruǧa barlyq negız bar.
"Bırınşıden, būl avtokölık juu jäne basqa da qyzmet körsetu käsıporyndaryna qatysty. Mysaly, 2023 jylǧy 1 qazandaǧy jaǧdai boiynşa Qazaqstanda tırkelgen avtokölık qūraldarynyŋ sany şamamen 5 mln bırlıktı qūrady. Ortaşa alǧanda özıne-özı qyzmet körsetetın oryndarda bır maşinany juuǧa arnalǧan su şyǧyny şamamen 200-250 litrdı qūraidy. Jük maşinalary men avtobustarǧa kelgende su şyǧyndary 500-700 litrge deiın artady. Būl jyldyq mände şamamen 100 mln tekşe metr sudy qūraidy. Al monşa keşenderınıŋ sudy tūtynuy jylyna şamamen 120 mln tekşe metrdı qūraidy", - dep atap öttı spiker.
Nūrjan Nūrjıgıtov ŞOB obektılerınde "taza sudyŋ" naqty qoldanyluyn eskerıp, su resurstaryn qaitalama paidalanu tehnologiialaryn engızu qajet ekenın aitty.
"Jergılıktı tazartu qūrylystary tehnologiialaryn qoldanu, atap aitqanda kölık juu oryndarynda ortalyqtandyrylǧan sumen jabdyqtau közderınen "taza sudy" tūraqty qospai jäne tūtynbai, su resursyn qaitalama jäne tūraqty ainalymǧa qosuǧa mümkındık beredı", - dedı ministr.
