Bilim salasynda da qazaq tiline ústemdik joq pa?

1996

Bizdegi bilim salasynda muǵalimderdiń biliktiligi men bilimin anyqtaıtyn is shara túrleri jetkilikti. Sonyń biri ustazdardy attestaııadan ótkizý. Osy attestaııadan ótý máselesine baılanysty birqatar muǵalim onyń kemshin tustaryn aıtýdaı aıtyp, jazýdaı jazýda. Ókinishke qaraı, kemshilikter túzetilýdiń ornyna, kerisinshe óreskel qatelikterge jol berip jatqandaı.

Muǵalimderdi atestaııadan ótkizýge baılanysty jazbasynda Aıman Saǵıdýlla: «Jalpy muǵalimder test tapsyryp, portfolıo jınap , avtorlyq baǵdarlama jazyp bolyp attestaııadan áreń ótedi. Durys deıik.

Al, shet tilin jetik meńgergen muǵalim, shet tilin meńgergeni týraly sertıfıkaty bolsa, avtomatty túrde attestaııadan ótedi» deıdi. Osy máselege baılanysty Aıman ustazdyń ózine habarlasqanymyzda, "Pedagog mártebesi týraly" Zańdy iske asyrý aıasynda qabyldanǵan qujatty alǵa tartty.

«Baqsaq, baqa eken» demekshi, qujattyń (sýrette) 50-shi pýnktinde aǵylshyn, franýz jáne nemis tiliniń qajetti deńgeıin meńgergenin rastaıtyn sertıfıkaty bar shet tilin oqytýshy ustazdarǵa biliktilik sanaty attestaııadan ótkizilmeı-aq beriletini taıǵa tańba basqandaı kórsetilipti. Osy 50-shi pýnktke úńilip qarap, oqyp shyqqansha, myna qujat Qazaqstan muǵalimderi úshin emes, shetel muǵalimine arnalǵandaı kórindi.

Bilim mınıstrliginiń bul qujatty daıyndaýda shet tilin meńgergen, «Bolashaq» sııaqty túrli baǵdarlamamen shetelde bilim alǵan myqty jastardy jumysqa tartýdy maqsat etkeni anyq. Alaıda shetel kórgen adamnyń bizdiń mektepterge jumys isteýge yqylas tanyta qoıýy ekitalaı emes pe? Mektep bylaı tursyn, shetel asqan jastardyń jartysynan kóbi elge keri qaıtpaýǵa baryn salýda. Olaı bolsa, bilim salasyna qatysty salmaqty qujatta memlekettik tilge emes, shetel tiline sonshama basymdyq berýdiń qanshalyqty qajeti bar? Shet tilin bilgeni úshin joǵary dárejedegi sanatqa op-oǵaı syrǵyp ótýge bolatyn bolsa, ondaı «bilikti muǵalimniń» bilim salasyndaǵy tájirıbesi qalaı ólshenbek? Túsiniksiz.

Osyǵan deıin eńbek ótiline, tájirıbesine qaraı ótetin attestaııadan qazir bir paraq sertıfıkatpen alańsyz ótýge bolady eken onda. Kez kelgen mamandyq ıesiniń biliktiligin tájirıbesi anyqtaıtynyn eskersek, mynadaı qujatpen aǵylshynsha saırap turǵan, biraq oqytý degenniń ne ekenin bilmeıtin dúbaralar mektepterdi jaýlamasyn dep tileıik.

Endigi bir másele, osy qujattaǵy shet tilin oqytýshy mamandarǵa beriletin mynadaı múmkindik memlekettik tildi jetik biletin mamandarǵa nege berilmeıtininde. Qazaqstanda aǵylshyn tilin bilseń, jolyń aıqara ashyq, al memlekettik tildi biletinder she...? Memlekettik tildi biletinder jantalasyp portfolıo toltyryp, kerekti-kereksiz qaǵazdardy jınap, jantalasyp attestaııa tapsyrýy kerek. Bul alalaý emes pe? Bul ádiletsizdik emes pe? Siz ualaı oılaısyz?

Merýert HÝSAINOVA,

«Adyrna» ulttyq portaly.

Foto ashyq derekkózden alyndy.

Pikirler
Uqsas jańalyqtar