Qaŋtar aiynda 139 myŋ oquşy Ūlttyq Bıryŋǧai testıleuden ötken. Olardyŋ 76%-y synaqty qazaq tılınde tapsyrudy taŋdaǧan. Osyndai derekterdı tılge tiek etken telejürgızuşı Erqanat Köpjasar Ata Zaŋnyŋ jaŋa jobasyndaǧy qazaq tılıne qatysty bapqa özgertu engızudı talap etıp jürgenderge ün qatty, dep habarlaidy «Adyrna» BAQ.KZ-ke sılteme jasap.
«Būl qūrǧaq statistika emes. Būl Ūlttyq renessans, «köş jüre tüzeledı» degen ūǧymnyŋ jarqyn körınısı. 1997 jyly el astanasy Almatydan Aqmolaǧa köşırılgende, on adamnyŋ bıreuı de qazaqşa bılmeitın edı. Qazır Alaş dalasy ana tılınde erkın söileidı», - deidı ol.
Sondai-aq telejürgızuşı Konstitusiianyŋ jaŋa jobasyndaǧy 9 baptyŋ 1 tarmaǧynda «Qazaqstan Respublikasynyŋ memlekettık tılı – qazaq tılı» dep taiǧa taŋba basqandai jazylyp tūrǧanyn aitady.
«Osyny tılımız Konstitusiiadan aiyrylyp qalǧandai şulatu qajet dünie emes. Qazır älemde barlyq geosaiasi oiyndardyŋ şarttary qaita jazylyp jatqanyn jaqsy bılesızder. Bügıngı kelısu – erteŋ ülken kelıspeuşılıkke aparsa, ne bolmaq», - deidı ol.
Sonymen qatar qoǧamda özı ana tılınde söilemeitın, balalaryn özge tılde oqytyp jürgenderdıŋ köptıgın tılge tiek ettı.
«Osyndai ana tılın bılmeitın azamattarǧa Ata Zaŋdaǧy bır ǧana söz kedergı bolyp tūr degenge senu qiyn. Ūrpaǧymyzǧa özı tūratyn jer kerek, öz tılınde söileitın el kerek», - dedı Köpjasar.
