Sopy Qūrbanälı jappai jihadqa şyǧuǧa şaqyrdy. Onyŋ būl video-ündeuı äleumettık jelılerde şarlap kettı.
"Batysqa tän ömır-saltyn bızge tyqpalaudyŋ qajetı joq. Bız būl zaŋnyŋ astarynda ne jatqanyn jaqsy bılemız. Ol - ūltsyzdanu; Ol - Tajaldyŋ jetegınde ketu. Tajal qazır kemerıne keldı. Älemdık jahandanu - Tajalǧa tän jalǧyz köz. Erkektık tekelı beine men äieldık emşek - Tajaldyŋ bolmysy. Sondyqtan da men Tajalǧa qarsy jihad jariialaimyn. Eger kım de bolsyn Tajalǧa kömek qolyn sozsa, onyŋ jetı atasyna deiın imany küiıp, özı tozaqqa tüsedı. Tajaldyŋ bır qolynda jännat, ekınşı qolynda tozaq bolady. Onyŋ jännatyna aldanǧandar tozaqtyq bolsa, tozaǧyna tüskender jännattyq bolady. Sondyqtan da bız Tajalǧa qarsy küresten bas tartpaimyz.
Qazır älemdık deŋgeide Tajaldyŋ bilıgı saltanat qūruda. Sondyqtan qazaq bilıgınıŋ tızgının ūstaǧan er-azamattar, Tajaldyŋ jetegınde ketpei, halyqqa qarai būrylyŋyzdar!-dep, sopy Qūrbanälı Ahmetov jihad jariialady. https://youtu.be/XnXpg6Wl8G4 Eger Qazaq bilıgı şynymen zaiyrly-qūqyqtyq memleket bolsa, Qūrbanälı Ahmetov siiaqty dınşılge ekıjüzdı standart saiasatyn qoldanbai, zaŋ boiynşa tiıstı baǧasyn beruı tiıs. Mysaly, dästürlı İslam tüsınıgınde (Qūranda joq) Tajal-Däjjäl degen ülken bilıktıŋ iesı bolatyn iahudi er adam. Zamannyŋ aqyrynda şyǧyp, jer betındegı eŋ ülken synaq (fitna) bolady. Ol özın alǧaşqyda paiǧambarmyn dep, sodan keiın Qūdai ekenın aitady. Oǧan nadandar men qarapaiym halyq artynan erıp, oǧan Alla tura jolǧa salǧan salihalar men taqualar qarsy tūrady. Ol bırde-bır qalany qaldyrmai barlyq jerdı şarlap şyǧady, tek Mekke men Medine qalasyna jolamaidy, iaǧni däjjäl Märiiam ūly İsanyŋ qolynan qaza tabady delıngen. Menıŋşe, "otbasylyq-tūrmystyq zorlyq-zombylyqqa qarsy ıs-qimyl" turaly zaŋdaǧy keibır olqylyqtarǧa bailanysty bilık dıni toptarǧa "medvejia usluga" jasamai tez arada tüzetu engızse dūrys bolar edı. Ökınışke orai zaŋnyŋ solqyldaq tūstaryn dınşılder, äsırese dıni baǧyttaǧy şükır-täubeşıl änşıler men aqyndar öz paidasyna öte jaqsy paidalanyp otyr. Qoryta aitqanda, qoǧamda aiqai-şu tuǧyzǧan "otbasylyq-tūrmystyq zorlyq-zombylyqqa qarsy ıs-qimyl" turaly zaŋǧa şüilıgıp jatyrǧan düiım halyqtyŋ köbı dıni sanadaǧy toptar ekenı belgılı boldy.
Tūrarbek QŪSAIYNOV,
"Demos" QB töraǧasy
(Avtordyŋ közqarasy redaksiia közqarasyn bıldırmeidı. "Adyrna" ūlttyq portaly aşyq aqparat alaŋy bolǧan sebeptı, qarsy taraptyŋ da materialyn şyǧaruǧa äzır)Ūqsas jaŋalyqtar
