Qazaqstanda kämeletke tolmaǧandarǧa qarsy jynystyq sipattaǧy qylmys jasaǧandarǧa qoldanylatyn himiialyq kastrasiia tärtıbıne özgerıs engızılmek, dep habarlaidy "Adyrna" ūlttyq portaly.
Būl turaly Densaulyq saqtau ministrlıgı bastamaşy bolǧan zaŋ jobasy “Aşyq NQA” portalynda jariialanyp, 18 tamyzǧa deiın qoǧamdyq talqylauǧa ūsynylǧan.
Joba aiasynda jazasyn ötep jatqan adamdarǧa qatysty mynadai naqty tärtıp engızu qarastyrylǧan:
Sot-psihiatriialyq saraptama taǧaiyndau üşın tüzeu mekemesı äkımşılıgı sotqa materialdardy jazasyn öteu merzımı aiaqtalǧanǧa deiın kemınde 12 ai būryn joldauy tiıs.
Himiialyq kastrasiia jazasyn öteuşı türmeden bosap şyǧuyna 6 ai qalǧanda qoldanyluy kerek.
Būl özgerıster jynystyq qylmystardyŋ qaitalanuyn boldyrmauǧa baǧyttalǧan.
Aita keteiık, Qazaqstanda himiialyq kastrasiia şarasy 18 jasqa tolǧan, kämeletke tolmaǧandarǧa qarsy jynystyq sipattaǧy qylmys jasaǧan adamdarǧa qatysty qoldanylady.
Būǧan deiın Işkı ıster ministrlıgı balalarǧa qarsy jynystyq qylmys jasaǧan adamdardy ömır boiyna tırkeuge alyp, baqylauda ūstau jönınde bastama kötergen bolatyn. Būl da sol zaŋ jobasy aiasynda qarastyryluda.
