Sýretten ózińizge unaıtyn staqan tańdap, nómirine sáıkes sıpattamasyn oqyńyz, múmkin siz týraly jazylǵan bolar. 2-3 staqandy tańdasańyz da bolady. Al, kettik.
1. Siz ózgelerden ózgereksiz, únemi kóńildi júresiz, adamdarmen tez aralasyp ketesiz. Basqalardan tek jaqsylyqty kórip, jaǵymdy oılar oılaısyz, bul ózińiz úshin de jaqsy. Janýarlardy jaqsy kóresiz, qyzyqty fılmder kórip, áńgime-dúken qurǵan da unaıdy. Romantıkalyq keshterge qaraǵanda, jaqynmen ótkizgen jarty saǵatty artyq kóresiz.
2. Sanǵa qaraǵanda sapany joǵary qoıatyn adamsyz. Ádepti jansyz, kúndelikti qaıtalanatyn ádetińizdi buzǵandardy unatpaısyz. Syrt kózge ózińizge senimdi kórinesiz, biraq ishteı ózin-ózi baǵalaý deńgeıińiz tómen. Aqyldy, parasatty jansyz, barlyǵyn baqylaýda ustaısyz. Sizge saq bolý kerek, sebebi keıde senimdi aqtamaıtyn adamdarǵa da senip qalasyz. Ózgelerge shabyt beretin áńgime aıtýdy unatasyz.
3. Siz ózgelerge paıdańyzdy tıgizýdi oılap turasyz. Uıymdastyrý jumystarynda jolyńyz bolǵysh. Biraq úıde bári basqasha. Jeke ómirińizde tepe-teńdikti tabý qıyn, jıi júıkeńiz juqarady. Barlyǵyn nazarda ustaǵyńyz keledi, biraq ol úshin balansty tabý kerek. Ómirge degen tereń kózqarastar qalyptastyrýǵa kóbirek ýaqyt bólińiz.
4. Siz únemi bir jaqqa asyǵasyz. Táýliktiń jıyrma tórt saǵaty azdyq etetindeı qabyldaısyz. Ońashada oılanýdy unatpaısyz, sol sebepti únemi aınalysatyn bir nárse tabýǵa tyrysasyz. Qatań tártippen júresiz, biraq baqytty ómir úshin bul sizge kerek pe, ony da oılap qoıyńyz. Shabyt beretin adamdarmen jıi aralasyńyz. Bir sát aıaldap, álemniń rahatyn sezinýge ýaqyt bólińiz.
5. Oıshyl ári meıirimdi jansyz, biraq sizge ómirde emoııalar jetispeıdi. Bolashaqqa naqty qandaı maqsatyńyz bar ekenin bilmeısiz, alaıda paıda ákelerin sezesiz. Ne nárse baqyt syılaıtynyn, janyńyz ne qalaıtynyn túsinýińiz kerek. Ómirdi súıesiz, demalysty jaqsy kóresiz, biraq sizge bir kez jumysyńyzdy da súıispenshilikpen isteý kerek. Óz qadir-qasıetińizdi arttyra bilińiz.
6. Siz eńbekqor ári ózgermeli adamsyz. Sezimderińizdi syrtqa shyǵarýdy unatpaısyz. Álemdi ózgerte alatynyńyzǵa senimińiz mol. Sizben aralasqan adamdar boıyńyzdaǵy qarapaıymdylyqty joǵary baǵalaıdy. Ómirdiń mánin muńnan izdeısiz, óz-ózińizben jıi toryǵyp otyrasyz. Negizinen jaısyzdyq pen depressııa ómirińizdi tek qıyndata túsedi, sol sebepti odan bas tartyńyz.
7. Siz ýaıymshylsyz. Sondyqtan ómirdiń tosyn syılaryna jolyqpas úshin, barlyǵyn aldyn ala josparlap qoıasyz. Aýyrdyń astymen, jeńildiń ústimen júresiz, eshteńeniń baıybyna barmaısyz. Shynaıy qarym-qatynastan qorqasyz. Qyzyǵýshylyqtaryńyz ben armandaryńyzdyń artynan ilesýge júreksinbeńiz. Janyńyzǵa shattyq syılaıtyn isti tabyńyz.
8. Júıkesi tozǵan, jańashyl ıdeıalarǵa baı, jumbaq jansyz. Jańa nárseler oılap tapqyshsyz, bul ómirge degen kózqarasyńyzdy batyl kórsetýge kómektesedi. Introversııaǵa janyńyz jaqyn, iske berilgen, tereń oıly jan dep sizdi aıtamyz. Intellektińiz qalypty, ishki túısigińizge senip, shabyttyń qaınar kózin izdeńiz.
9. Sizdi basqalar jaqsy kórip, syılap júrgeni óte unaıdy. Parasatty áńgime, jaqsy kitap, jańa bilim, súıikti áýender – siz úshin eń jaqsy kúnniń quraýyshtary. Árdaıym kishipeıilsiz, bul sizge erekshe kúsh beredi. Jetistikterińiz arqyly basqalardy basqarǵyńyz keledi, biraq ımıdjińizge nuqsan keltiretin birden-bir jaǵdaı – egoıstik. Aınalaǵa zer salyńyz, sizden de basqa jaqsy kórýge turatyn dúnıe jeterlik.
10. Óte jigerli jansyz. Ýaqytty beker óltirmeısiz. Ideıa, múmkindik, tásil – bar jańashyldyqqa qushaǵyńyz ashyq. Júıelilikti jaqsy kóresiz, shyǵarmashylyq baǵytqa umtylasyz. Negizinen óte jaqsy jazasyz. Oqýdy da, tamaq ázirleýdi de jaqsy kóresiz. Biraq áli bastalmaǵan iske kirisip ketýden qorqasyz. Áliptiń artyn baǵasyz. "Kóz – qorqaq, qol – batyr" ekenin esten shyǵarmańyz.
11. Kóńildi, tapqyr, shyǵarmashylyqqa jaqyn jansyz. Biraq eshteńege qol jetkize almaısyz. Aýqymdy jobalardy jıi qolǵa alasyz da, orta jolda tastap ketesiz. Sebebi qıyn ne qyzyqsyz bolyp ketedi. Adamdar ózin qalaı ustaıtyny týraly jıi sóz etesiz. Shyndyǵynda, ishki jan dúnıeńiz qaı iske qabiletti ekenin bilmeısiz. Árdaıym qoldaýdy qajet etesiz. Boıyńyzdy bos ustap, zattarǵa tereńirek úńilýge tyrysyńyz.
12. Kóńildi ári erketotaı adam – ol siz. Ómirge óte jeńil qaraısyz. Ádette adamdar sizdi jaqsy kóredi, janyńyzǵa jýyq júrgisi keledi. Kezdesýler men jıyn-keshterge janyńyz qumar. Janyńyzdaǵylar baqytty bolsa, siz de baqyttysyz. Biraq ózińizdi joǵaltyp almańyz! Uzaq ýaqyt jalǵyzdyqta qalsańyz, depressııa bastalady.
13. Ózgelerdiń sátsizdigine alańdaýmen júresiz. Biraq qalaı kómektesýdi de bile bermeısiz. Qorshaǵan ortaǵa úreımen qaraısyz. Úırenshikti nárselerdi jaqsy kóresiz. Artyńyzǵa jıi qaraısyz, keıde ótkenge oralýdy ańsaısyz. Ótken ózgeristerge qaramastan, ár istiń jaqsylyǵyn kóre bilýdi úırenýińiz kerek. Sátsizdikterińizge ózgelerdi kinálaısyz. Biraq esińizde bolsyn, árkim – óz baqytynyń ustasy.
14. Siz kúnniń kózinde otyryp, uzaq jumys kúniniń sońyna jetkende muzdy sýsyn jasap ishkendi jaqsy kóresiz. Sizde eshqandaı menmendik joq, ony mánsiz dep sanaısyz. Sizge ómirdiń bıik deńgeıi unaıdy, biraq ol erteńgi kúnniń kepili emes ekenin bilesiz. Ómirden barynsha búgin lázzat alyp qalýǵa tyrysasyz. Adamdarmen aralasýdy unatasyz, eshkimdi joǵaltqyńyz kelmeıdi.
15. Sizdiń kúsh-qýatyńyz tasyp tur. Álemdi óz kózqarasyńyzǵa saı ózgertkińiz keledi. Árdaıym adamdardyń nazarynda bolyp, olardyń kóńilin aýlaýdy unatasyz. Barlyǵy sizben birge ýaqyt ótkizgende kóńildi bolǵanyn qalaısyz. Shytyrman oqıǵa ortasyna túsý múmkindigin jiberip alǵyńyz kelmeıdi. Otyrystarǵa barsańyz, qyzyqtan qur qalmaý úshin eń sońǵy bolyp ketesiz. Ózińiz qaıyrymdy bolsańyz da, ózgelerdiń jasaǵan jaqsylyǵyn qabyldaýǵa qysylasyz. Negizinen emoııaǵa baısyz, ony shyǵarýǵa qoryqpańyz.
massaget.kz
