قاي ستاقان ۇنايدى؟ (پسيحولوگيالىق تەست)

9849
Adyrna.kz Telegram

سۋرەتتەن وزىڭىزگە ۇنايتىن ستاقان تاڭداپ، نومىرىنە سايكەس سيپاتتاماسىن وقىڭىز، مۇمكىن ءسىز تۋرالى جازىلعان بولار. 2-3 ستاقاندى تاڭداساڭىز دا بولادى. ال، كەتتىك.

1. ءسىز وزگەلەردەن وزگەرەكسىز، ۇنەمى كوڭىلدى جۇرەسىز، ادامدارمەن تەز ارالاسىپ كەتەسىز. باسقالاردان تەك جاقسىلىقتى كورىپ، جاعىمدى ويلار ويلايسىز، بۇل ءوزىڭىز ءۇشىن دە جاقسى. جانۋارلاردى جاقسى كورەسىز، قىزىقتى فيلمدەر كورىپ، اڭگىمە-دۇكەن قۇرعان دا ۇنايدى. رومانتيكالىق كەشتەرگە قاراعاندا، جاقىنمەن وتكىزگەن جارتى ساعاتتى ارتىق كورەسىز.

2. سانعا قاراعاندا ساپانى جوعارى قوياتىن ادامسىز. ادەپتى جانسىز، كۇندەلىكتى قايتالاناتىن ادەتىڭىزدى بۇزعانداردى ۇناتپايسىز. سىرت كوزگە وزىڭىزگە سەنىمدى كورىنەسىز، بىراق ىشتەي ءوزىن-ءوزى باعالاۋ دەڭگەيىڭىز تومەن. اقىلدى، پاراساتتى جانسىز، بارلىعىن باقىلاۋدا ۇستايسىز. سىزگە ساق بولۋ كەرەك، سەبەبى كەيدە سەنىمدى اقتامايتىن ادامدارعا دا سەنىپ قالاسىز. وزگەلەرگە شابىت بەرەتىن اڭگىمە ايتۋدى ۇناتاسىز.

3. ءسىز وزگەلەرگە پايداڭىزدى تيگىزۋدى ويلاپ تۇراسىز. ۇيىمداستىرۋ جۇمىستارىندا جولىڭىز بولعىش. بىراق ۇيدە ءبارى باسقاشا. جەكە ومىرىڭىزدە تەپە-تەڭدىكتى تابۋ قيىن، ءجيى جۇيكەڭىز جۇقارادى. بارلىعىن نازاردا ۇستاعىڭىز كەلەدى، بىراق ول ءۇشىن بالانستى تابۋ كەرەك. ومىرگە دەگەن تەرەڭ كوزقاراستار قالىپتاستىرۋعا كوبىرەك ۋاقىت ءبولىڭىز.

4. ءسىز ۇنەمى ءبىر جاققا اسىعاسىز. تاۋلىكتىڭ جيىرما ءتورت ساعاتى ازدىق ەتەتىندەي قابىلدايسىز. وڭاشادا ويلانۋدى ۇناتپايسىز، سول سەبەپتى ۇنەمى اينالىساتىن ءبىر نارسە تابۋعا تىرىساسىز. قاتاڭ تارتىپپەن جۇرەسىز، بىراق باقىتتى ءومىر ءۇشىن بۇل سىزگە كەرەك پە، ونى دا ويلاپ قويىڭىز. شابىت بەرەتىن ادامدارمەن ءجيى ارالاسىڭىز. ءبىر ءسات ايالداپ، الەمنىڭ راحاتىن سەزىنۋگە ۋاقىت ءبولىڭىز.

5. ويشىل ءارى مەيىرىمدى جانسىز، بىراق سىزگە ومىردە ەموتسيالار جەتىسپەيدى. بولاشاققا ناقتى قانداي ماقساتىڭىز بار ەكەنىن بىلمەيسىز، الايدا پايدا اكەلەرىن سەزەسىز. نە نارسە باقىت سىيلايتىنىن، جانىڭىز نە قالايتىنىن ءتۇسىنۋىڭىز كەرەك. ءومىردى سۇيەسىز، دەمالىستى جاقسى كورەسىز، بىراق سىزگە ءبىر كەز جۇمىسىڭىزدى دا سۇيىسپەنشىلىكپەن ىستەۋ كەرەك. ءوز قادىر-قاسيەتىڭىزدى ارتتىرا ءبىلىڭىز.

6. ءسىز ەڭبەكقور ءارى وزگەرمەلى ادامسىز. سەزىمدەرىڭىزدى سىرتقا شىعارۋدى ۇناتپايسىز. الەمدى وزگەرتە الاتىنىڭىزعا سەنىمىڭىز مول. سىزبەن ارالاسقان ادامدار بويىڭىزداعى قاراپايىمدىلىقتى جوعارى باعالايدى. ءومىردىڭ ءمانىن مۇڭنان ىزدەيسىز، ءوز-وزىڭىزبەن ءجيى تورىعىپ وتىراسىز. نەگىزىنەن جايسىزدىق پەن دەپرەسسيا ءومىرىڭىزدى تەك قيىنداتا تۇسەدى، سول سەبەپتى ودان باس تارتىڭىز.

7. ءسىز ۋايىمشىلسىز. سوندىقتان ءومىردىڭ توسىن سىيلارىنا جولىقپاس ءۇشىن، بارلىعىن الدىن الا جوسپارلاپ قوياسىز. اۋىردىڭ استىمەن، جەڭىلدىڭ ۇستىمەن جۇرەسىز، ەشتەڭەنىڭ بايىبىنا بارمايسىز. شىنايى قارىم-قاتىناستان قورقاسىز. قىزىعۋشىلىقتارىڭىز بەن ارماندارىڭىزدىڭ ارتىنان ىلەسۋگە جۇرەكسىنبەڭىز. جانىڭىزعا شاتتىق سىيلايتىن ءىستى تابىڭىز.

8. جۇيكەسى توزعان، جاڭاشىل يدەيالارعا باي، جۇمباق جانسىز. جاڭا نارسەلەر ويلاپ تاپقىشسىز، بۇل ومىرگە دەگەن كوزقاراسىڭىزدى باتىل كورسەتۋگە كومەكتەسەدى. ينتروۆەرسياعا جانىڭىز جاقىن، ىسكە بەرىلگەن، تەرەڭ ويلى جان دەپ ءسىزدى ايتامىز. ينتەللەكتىڭىز قالىپتى، ىشكى تۇيسىگىڭىزگە سەنىپ، شابىتتىڭ قاينار كوزىن ىزدەڭىز.

9. ءسىزدى باسقالار جاقسى كورىپ، سىيلاپ جۇرگەنى وتە ۇنايدى. پاراساتتى اڭگىمە، جاقسى كىتاپ، جاڭا ءبىلىم، سۇيىكتى اۋەندەر – ءسىز ءۇشىن ەڭ جاقسى كۇننىڭ قۇراۋىشتارى. ءاردايىم كىشىپەيىلسىز، بۇل سىزگە ەرەكشە كۇش بەرەدى. جەتىستىكتەرىڭىز ارقىلى باسقالاردى باسقارعىڭىز كەلەدى، بىراق يميدجىڭىزگە نۇقسان كەلتىرەتىن بىردەن-ءبىر جاعداي – ەگويستىك. اينالاعا زەر سالىڭىز، سىزدەن دە باسقا جاقسى كورۋگە تۇراتىن دۇنيە جەتەرلىك.

10. وتە جىگەرلى جانسىز. ۋاقىتتى بەكەر ولتىرمەيسىز. يدەيا، مۇمكىندىك، ءتاسىل – بار جاڭاشىلدىققا قۇشاعىڭىز اشىق. جۇيەلىلىكتى جاقسى كورەسىز، شىعارماشىلىق باعىتقا ۇمتىلاسىز. نەگىزىنەن وتە جاقسى جازاسىز. وقۋدى دا، تاماق ازىرلەۋدى دە جاقسى كورەسىز. بىراق ءالى باستالماعان ىسكە كىرىسىپ كەتۋدەن قورقاسىز. ءالىپتىڭ ارتىن باعاسىز. "كوز – قورقاق، قول – باتىر" ەكەنىن ەستەن شىعارماڭىز.

11. كوڭىلدى، تاپقىر، شىعارماشىلىققا جاقىن جانسىز. بىراق ەشتەڭەگە قول جەتكىزە المايسىز. اۋقىمدى جوبالاردى ءجيى قولعا الاسىز دا، ورتا جولدا تاستاپ كەتەسىز. سەبەبى قيىن نە قىزىقسىز بولىپ كەتەدى. ادامدار ءوزىن قالاي ۇستايتىنى تۋرالى ءجيى ءسوز ەتەسىز. شىندىعىندا، ىشكى جان دۇنيەڭىز قاي ىسكە قابىلەتتى ەكەنىن بىلمەيسىز. ءاردايىم قولداۋدى قاجەت ەتەسىز. بويىڭىزدى بوس ۇستاپ، زاتتارعا تەرەڭىرەك ۇڭىلۋگە تىرىسىڭىز.

12. كوڭىلدى ءارى ەركەتوتاي ادام – ول ءسىز. ومىرگە وتە جەڭىل قارايسىز. ادەتتە ادامدار ءسىزدى جاقسى كورەدى، جانىڭىزعا جۋىق جۇرگىسى كەلەدى. كەزدەسۋلەر مەن جيىن-كەشتەرگە جانىڭىز قۇمار. جانىڭىزداعىلار باقىتتى بولسا، ءسىز دە باقىتتىسىز. بىراق ءوزىڭىزدى جوعالتىپ الماڭىز! ۇزاق ۋاقىت جالعىزدىقتا قالساڭىز، دەپرەسسيا باستالادى.

13. وزگەلەردىڭ ساتسىزدىگىنە الاڭداۋمەن جۇرەسىز. بىراق قالاي كومەكتەسۋدى دە بىلە بەرمەيسىز. قورشاعان ورتاعا ۇرەيمەن قارايسىز. ۇيرەنشىكتى نارسەلەردى جاقسى كورەسىز. ارتىڭىزعا ءجيى قارايسىز، كەيدە وتكەنگە ورالۋدى اڭسايسىز. وتكەن وزگەرىستەرگە قاراماستان، ءار ءىستىڭ جاقسىلىعىن كورە ءبىلۋدى ۇيرەنۋىڭىز كەرەك. ساتسىزدىكتەرىڭىزگە وزگەلەردى كىنالايسىز. بىراق ەسىڭىزدە بولسىن، اركىم – ءوز باقىتىنىڭ ۇستاسى.

14. ءسىز كۇننىڭ كوزىندە وتىرىپ، ۇزاق جۇمىس كۇنىنىڭ سوڭىنا جەتكەندە مۇزدى سۋسىن جاساپ ىشكەندى جاقسى كورەسىز. سىزدە ەشقانداي مەنمەندىك جوق، ونى ءمانسىز دەپ سانايسىز. سىزگە ءومىردىڭ بيىك دەڭگەيى ۇنايدى، بىراق ول ەرتەڭگى كۇننىڭ كەپىلى ەمەس ەكەنىن بىلەسىز. ومىردەن بارىنشا بۇگىن ءلاززات الىپ قالۋعا تىرىساسىز. ادامدارمەن ارالاسۋدى ۇناتاسىز، ەشكىمدى جوعالتقىڭىز كەلمەيدى.

15. ءسىزدىڭ كۇش-قۋاتىڭىز تاسىپ تۇر. الەمدى ءوز كوزقاراسىڭىزعا ساي وزگەرتكىڭىز كەلەدى. ءاردايىم ادامداردىڭ نازارىندا بولىپ، ولاردىڭ كوڭىلىن اۋلاۋدى ۇناتاسىز. بارلىعى سىزبەن بىرگە ۋاقىت وتكىزگەندە كوڭىلدى بولعانىن قالايسىز. شىتىرمان وقيعا ورتاسىنا ءتۇسۋ مۇمكىندىگىن جىبەرىپ العىڭىز كەلمەيدى. وتىرىستارعا بارساڭىز، قىزىقتان قۇر قالماۋ ءۇشىن ەڭ سوڭعى بولىپ كەتەسىز. ءوزىڭىز قايىرىمدى بولساڭىز دا، وزگەلەردىڭ جاساعان جاقسىلىعىن قابىلداۋعا قىسىلاسىز. نەگىزىنەن ەموتسياعا بايسىز، ونى شىعارۋعا قورىقپاڭىز.

massaget.kz

پىكىرلەر