Stıpendendııasymen ata-anasyn asyrap júr

3107

Mońǵolııa qazaǵy úshin ata-baba jerine oralý arman. Armannyń oryndalýy úshin olar balalaryn Qazaqstandaǵy joǵary oqý oryndaryna jiberedi. Grant negizinde bilim alatyn jastar keıin turaqtap qalyp, jumys istep, ata-anasyn kóshirip alady eken. Kóbi Astana mańyna qonystanǵan. Aqtóbege qolóner buıymdarynyń jasalý joldaryn úıretýge arnaıy shaqyrtýmen kelgen sheber Saǵympaz Qajyhannyń aıtýynsha, olar únemi Qazaqstannyń telearnalaryn qaraıdy, ulttyq buıymdardy satyp, jan baǵady. Ár otbasynda, kem degende, bir adam qazaqtyń ulttyq buıymdaryn jasaıdy. Bir qyzyǵy, mońǵol qazaqtary kórpe emes, kıizden jasalǵan syrmaq jaıady. Bul – jyly ári ádemi eken. Mońǵolııadaǵy qazaqtardyń ómiri men qolóner buıymdaryn daıyndaý jolynyń damýy týraly  "ADYRNA "Bnews.kz silteme  jasap habarlaıdy

Táýelsizdiktiń 25 jyldyǵyna oraı Aqtóbege Mońǵolııanyń Baıan-Ólgeı aımaǵynan qolóner sheberleri arnaıy shaqyryldy. Oblystyq óner murajaıynyń uıymdastyrýmen ótip jatqan «Qazaqtardyń dástúrli sándik-qoldanbaly óneri» atty sheberlik klasynda syrmaq jasap, keste tigýdiń joldary, kermeli baý toqý úıretildi. Oǵan mektep oqýshylary men tehnologııa pániniń muǵalimderi qatysyp jatyr. Al úıretýshi sheberler Saǵympaz Qajyhan men Qurmet Túgelbaı Aqtóbege alǵash ret kelgen.

«Eski qolónerdi jandandyryp, damytamyz degen soń kelip otyrmyz. Balalardyń yntasy óte jaqsy. Ustazdar úırenip aldy. Syrmaqtyń neden jasalatynyn, tigý joldaryn úırettik. Máselen, syrmaq bes bólshekten turady. Olardy biriktirip, bir syrmaq shyǵaramyz. Biz keste, kermeli baý toqýdy da meńgeredi. Bizdiń aýylda qaı úıge kirseńiz de osy buıymdar tóseýli jatyr. Sizder kilemniń ústine kórpe jaıasyzdar, biz syrmaq tóseımiz. Bul – jyly. Jumysta joq bolǵandyqtan, úıde daıyndap, tapsyrys qabyldaımyz. Kóbine, sheteldikter, týrıster kelip, satyp alady. Bir aıda uzyndyǵy 3 metr úsh syrmaq jasaýǵa daıynbyz»,- deıdi Saǵympaz Qajyhan.

Onyń aıtýynsha, syrmaq biryńǵaı kıizden jasalady. Baıan-ólgeı sheberleri kıiz basyp, jip ıiredi.

«Aýyldaǵy 1500 úıdiń bári mal ustaıdy. Tańerteń shyǵaryp jiberemiz, keshke qoraǵa qamaımyz. Arnaıy kútim qajet emes. Ár otbasynda 1-2 myń bas qoı bar. Kem degende, 100 qoı baǵady. Eshki basym bizde. Túbiti óte qymbat, buıymdary ótimdi»,- deıdi Altaı aýylynan kelgen S.Qajyhan.

Alty balanyń anasy bir januıany óz ónerimen asyrap otyr. Bireýi – stýdent, kishisi 3-klasta bilim alady.

«Uqsastyq kóp. Biz de jer úıde turamyz, mal sharýashylyǵymen aınalysamyz. Baıan-Ólgeı men Aqtóbege keler bolsam, sizderde kóshe keń eken. Aǵash egilgen, záýlim úıler bar. Bizdiń jaqta tal egilmeıdi ǵoı. Qazaqstan táýelsizdik alǵan soń kóship keletinder qatary artty. Kóbine, jastar oqýǵa keledi. Bilim alǵan jastar aýylǵa qaıta oralmaıdy, turaqtap qalady. Keıin ata-anasy, baýyrlary kóshedi. Negizinen, Qazaqstandaǵy joǵary oqý ornynda grant negizinde bilim alatyn stýdentter stıpenııasymen Mońǵolııadaǵy ata-anasyn asyraıdy. Stýdentter aqshasyn aýdaryp, keıin qajetti zattaryn, kıim-keshekti sol jaqtan salyp jiberedi. Jumysy joq otbasylar, qolónermen aınalyspaıtyn adamdar solaı kún kórip otyr»,- deıdi Saǵympaz sheber.

Aqtóbedegi Óner murajaıynan usynys túsken kezde sheberler oılanyp, júreksingen. Olardyń oıynsha, Aqtóbege jol uzaq, munda orystar turady, halqy oryssha sóıleıdi. Kelip, oqýshylarmen, muǵalimdermen tildesken sheberler tildik aıyrmashylyqty sezbeı qaldy.

Al Qurmet Túgelbaı Baıan-Ólgeı aımaǵynda turady. Qaladaǵy tirlik aýyldan ózgeshe. Munda kermeli baý toqý úshin daıyn jip paıdalanylyp, shıkizattyń bári satyp alynady. Degenmen, qyzǵa jasaý, uldyń otaýyna qajetti kıiz úı men barlyq buıymdy ózi daıyndaıtyn sheber zeınetke shyqqan soń negizgi kásibinen tabys túsip jatqanyn aıtady.

«Kermeli baý toqý qıyn. Negizi, munda birneshe oıý túsedi. Ár jiptiń óz orny, reti bar. Sondyqtan birer kúnde meńgerip alý múmkin emes. Muny toqý úshin qazyq qaǵyp, ár jip ótkizgen saıyn kúsh salyp tartady. Qaqqysh, tergish aǵash, tergishtiń bárin shatasyrmaý shart. Ózim 13 jasymnan bastap baqylap, tyǵylyp úırenip aldym. Qazir bárin satamyz. Tapsyrys bar, tek eńbektený kerek»,- deıdi Qurmet Túgelbaı.

Sheber Qazaqstanda bilim alyp júrgen kenje uly turaqtap qalsa, Otanyna oralýdy oılap otyr.

«Qazaqstan – biz úshin maqtanysh. Astanaǵa bes jyl buryn kelip edim, keshegi saparymyzda odan ári damyǵanyn kórip otyrmyz. Aqtóbege buryn kelgenim joq. Munda da qazaqy jer, halqy baýyrmal eken»,- deıdi ol.

Úsh kúnge sozylǵan sheberlik sabaǵy kezinde balalar syrmaq toqyp, keste tikti. Bári de qazaqtyń tyń qolóner buıymdaryna tánti bolyp, qyzdardyń toqý, tigýge yntasy artty.


Elimizde grantpen oqıtyn stýdentter stıpenııasymen Mońǵolııadaǵy ata-anasyn asyrap júr – Saǵympaz Qajyhan (FOTO)

(túpnusqa taqyryby)

"Bnews".kz

 

 

Pikirler
Redakııa tańdaýy