Qazaqstandyq boksşy Madiiar Aşkeev amerikalyq Charlz Konuelden jeŋılıp qaldy dep habarlaidy "Adyrna" ūlttyq portaly vesti.kz-ke sılteme jasap.
Būl kezdesu Los-Andjelestegı Wild Card Boxing arenasynda ötken boks keşınıŋ basty oqiǧasy boldy. Jekpe-jekte bırınşı orta salmaqtaǧy USNBC jäne USBA tituldary sarapqa salyndy. Bırınşısı qazaq boksşyǧa, ekınşısı qarsylasyna tiesılı edı.
Osy aiqasqa deiın qarsylastardyŋ eşqaisysy jeŋılıs körmegen bolatyn. 32 jastaǧy Äşkeev 14 jekpe-jegınıŋ barlyǧynda jeŋgen, onyŋ jeteuın nokautpen. Al 23 jastaǧy Konuell 13 kezdesuınıŋ bärınde basym bolyp, on qarsylasyn sūlatqan edı.
Jekpe-jek on raundqa eseptelgen bolatyn. Äşkeev köp soqqy ötkızıp, amerikalyqtyŋ basym ekenı baiqaldy. Kezdesu soŋyna taman qazaq boksşynyŋ komandasy aiqasty toqtatuǧa şaqyrdy. Madiiar "soŋǧy raund qalǧanyn", ary qarai jūdyryqtasqysy keletının aitty. Degenmen töreşı de kezdesudı aiaqtau keregın aitty.
Osylaişa, toǧyzynşy raundtan keiın jekpe-jek toqtatyldy. Äşkeev karerasynda alǧaş ret jeŋılıp otyr.
https://youtu.be/2VhF_HF4ORA
Suret aşyq derekközden
Ūqsas jaŋalyqtar
