Sportşylar men jattyqtyruşylarǧa ömır boiy ai saiynǧy materialdyq qamsyzdandyrudy töleu qaǧidalaryn bekıtu turaly Ükımettıŋ jaŋa qaulysy şyqty, dep habarlaidy “Adyrna” ūlttyq portaly Express Qazaqstan. saityna sılteme jasap.
Endı sportşylar men jattyqtyruşylarǧa ömır boiy ai saiynǧy materialdyq qamsyzdandyru mynadai mölşerde tölenedı:
1). Olimpiada, Paralimpiada jäne Surdlimpiada oiyndarynyŋ chempiondary men jüldegerlerı jäne (nemese) sporttyŋ olimpiadalyq türlerı boiynşa älem chempiondary ataqtaryn jeŋıp alǧan sportşylarǧa — 100 ailyq eseptık körsetkış ( 2021 jyl boiynşa — 291 700 teŋge);
2). Olimpiada, Paralimpiada jäne Surdlimpiada oiyndarynyŋ chempiondary jäne jüldegerlerı, jäne (nemese) sporttyŋ olimpiadalyq türlerı boiynşa älem chempiondary ataqtaryn jeŋıp alǧan sportşylardy daiyndaǧan jattyqtyruşylarǧa — 100 ailyq eseptık körsetkış.
Qazırgı uaqytta sportşylar men jattyqtyruşylarǧa ai saiynǧy materialdyq qoldauǧa arnalǧan tölemderdıŋ kölemı — 101 898 myŋ teŋgenı qūraidy.
Ükımet memleket basşysynyŋ 2021 jylǧy 1 qyrküiektegı Qazaqstan halqyna joldauyndaǧy "Käsıpqoi sportty basqaru jüiesın qaita qarau boiynşa ūsynystar tūjyrymdau" degen tapsyrmasyn oryndau maqsatynda osy qaulyny äzırlegen.
Joǧary sporttyq nätijege jetu üşın älemdık täjıribenı eskere otyryp, sportşy, jattyqtyruşy märtebesın köterıp, materialdyq qoldau qajet.Mysaly, Reseide sportşylar men jattyqtyruşylarǧa äleumettık qoldau aiyna 60 000 rubl mölşerınde belgılengen, — delıngen Ükımettıŋ qaulysynda.
Būl şamamen 352 000 teŋgenı qūraidy eken.
Qazaqstanda qazır 1 ailyq eseptık körsetkış 2 917 teŋge bolsa, jaŋa jyldan bastap, 3 063 teŋge bolady. Iаǧni qūjat qabyldanǧan soŋ, chempiondarǧa ai saiyn 300 myŋnyŋ üstınde tölemaqy tölenedı.
Doping dauynan keiın jaŋartylǧan tızımge säikes, Qazaqstan jazǧy Olimpiada oiyndarynan 15 altyn, 21 kümıs, 36 qola medal enşılıgen. Barlyǧy 72 medal. Al qysqy Olimpiada oiyndarynda 1 altyn, 3 kümıs, 4 qola medal alǧanbyz. Al Paralimpiada oiydarynan 9 medal (2 altyn, 5 kümıs, 2 qola) bar. Odan bölek, älem chempiondary men jüldegerlerı de jeterlık.
Aldaǧy uaqytta Vasilii Jirov, Ermahan Ybyraiymov, Baqtiiar Artaev, Serık Säpiev jäne basqa da chempiondar men jüldegerlerge tölenetın qarjy köbeiedı.
Qūjattyŋ tolyq mätını "Aşyq NQA" portalynda jariialandy. Qoǧamdyq talqylau 14 qazanǧa deiın jalǧasady.
”Adyrna” ūlttyq portaly
Ūqsas jaŋalyqtar
