Búgin Nur-Sultan qalasynda «Aýyl» Halyqtyq-demokratııalyq patrıottyq partııasynyń tizimimen QR Parlamenti Májilisine usynylǵan kandıdattar B.Tolegen, A.Kókeeva, Nur-Sultan qalasy maslıhatyna úmitkerler F. Engıshev pen A.Elýbaeva Qolóner sheberlerimen kezdesti.
Kezdesýge otandyq qolóner sheberleri qatysyp «Aýyl» partııasy kandıdattaryna óz ónimderin kórsetti. Sheberlerdiń basym bóligi qandastar.
«Aýyl» partııasynyń kandıdatarymen kezdesýge etno-dızaıner, Eýrazııa Dızaınerler Odaǵynyń múshesi, Qazaq Ulttyq dızaın akademııasynyń akademıgi Qazıpa Qalıqyzy, Dúnıejúzi Qazaqtary Qaýymdastyǵynyń Aqmola oblysy fılıalynyń basshysy, grafıkalyq jarnama dızaıneri Altyngúl Mádenqyzy qatysty.
«Aýyl» partııasynyń kandıdaty Bahargúl Tólegenniń aıtýy boıynsha qazirgi kezde qandastarǵa memleket tarapynan jeńildetilgen, kepilsiz nesıeler qarastyrylmaǵan. Jańadan qonys aýdarǵandardyń 90 paıyzy áleýmettik kómekke zárý, kepildikke beretin múlki joq. Úkimetten beriletin birrettik járdemaqy óte tómen jáne jetkiliksiz. Kóshi-qon kvotalaryn ornatýdyń tipti keregi joq. Qandastar ózderi qonystanatyn jerlerin óz erikterimen tańdaıtyndaı jaǵdaı jasaǵan jón. Azamattyq alý máselesinde eshqandaı shekteý de, merzim de bolmaýy tıis. Sonymen qatar, qandastardyń jańa áleýmettik ortaǵa tez beıimdelýine jáne kirigýine yqpaldasatyn arnaıy baǵdarlamalar jasaý kerek - dedi Bahargúl Tólegen.
Kezdesý sońynda «aýyldyq» kandıdattar kelýshilerge partııanyń saılaýaldy baǵdarlamasynyń negizgi baǵyttaryn táptishtep túsindirip berdi.
Saılaýǵa qatysatyn saıası uıymdardyń ishinde qandastardyń problemasyn óz saılaýaldy baǵdarlamasyna bólek baǵyt retinde qosqan tek «Aýyl» halyqtyq-demokratııalyq patrıottyq partııasy.
Bahargúl Tólegen - tanymal toptamashy-etnograf, Qazaqstandaǵy túrki halyqtarynda sırek kezdesetin altyn jáne kúmis buıymdarynyń birden-bir jeke murajaıynyń ıegeri bolyp tabylady. Qazaq ulttyq kádesyılaryn jasap shyǵaratyn «Ádemi-Aı» kompanııasynyń prezıdenti.
Áıgerim Kókeeva – «Aýyl» partııasy jastar qanatynyń jetekshisi.
