London ǧalymdary Uiliam Şekspirdıŋ qaladaǧy jalǧyz menşıgı bolǧan üidıŋ naqty ornyn anyqtady, dep habarlaidy "Adyrna" ūlttyq portaly VVS-ge sıltep.
Alaida tarihi ǧimarattyŋ özı bügınge deiın saqtalmaǧan.
Zertteuşı Liusi Manro Blekfraiers audanyndaǧy arhivtık qūjattardy zertteu barysynda 1668 jyly jasalǧan köne kartaǧa tap bolǧan. Ol kartada 1613 jyly Şekspir satyp alǧan üidıŋ naqty orny men aumaǧy körsetılgen.
Mälımetterge säikes, Şekspir būl üidı ömırınıŋ soŋǧy jyldary, ölerınen üş jyl būryn satyp alǧan. Üi qazırgı London Siti aumaǧyndaǧy Blekfraiers maŋynda, «Globus» teatryna jaqyn jerde ornalasqan.
Būǧan deiın zertteuşıler dramaturg būl kezeŋde tuǧan qalasy Stratford-na-Eivonǧa tolyq oralǧan dep eseptegen. Alaida jaŋa derek Şekspirdıŋ Londonda jiı bolyp, teatr ömırıne belsendı aralasqanyn körsetedı.
Qazırgı taŋda ol üi tūrǧan aumaqta XIX ǧasyrda salynǧan ǧimarattar ornalasqan. Degenmen Sent-Endrius-Hill köşesındegı Şekspirge arnalǧan kök eskertkış taqta däl sol tarihi orynǧa qoiylǧany anyqtaldy.
