بۇگىن نۇر-سۇلتان قالاسىندا «اۋىل» حالىقتىق-دەموكراتيالىق پاتريوتتىق پارتياسىنىڭ تىزىمىمەن قر پارلامەنتى ماجىلىسىنە ۇسىنىلعان كانديداتتار ب.تولەگەن، ا.كوكەەۆا، نۇر-سۇلتان قالاسى ماسليحاتىنا ۇمىتكەرلەر ف. ەنگيشەۆ پەن ا.ەلۋباەۆا قولونەر شەبەرلەرىمەن كەزدەستى.
كەزدەسۋگە وتاندىق قولونەر شەبەرلەرى قاتىسىپ «اۋىل» پارتياسى كانديداتتارىنا ءوز ونىمدەرىن كورسەتتى. شەبەرلەردىڭ باسىم بولىگى قانداستار.
«اۋىل» پارتياسىنىڭ كانديداتارىمەن كەزدەسۋگە ەتنو-ديزاينەر، ەۋرازيا ديزاينەرلەر وداعىنىڭ مۇشەسى، قازاق ۇلتتىق ديزاين اكادەمياسىنىڭ اكادەميگى قازيپا قاليقىزى، دۇنيەجۇزى قازاقتارى قاۋىمداستىعىنىڭ اقمولا وبلىسى فيليالىنىڭ باسشىسى، گرافيكالىق جارناما ديزاينەرى التىنگۇل مادەنقىزى قاتىستى.
«اۋىل» پارتياسىنىڭ كانديداتى باحارگۇل تولەگەننىڭ ايتۋى بويىنشا قازىرگى كەزدە قانداستارعا مەملەكەت تاراپىنان جەڭىلدەتىلگەن، كەپىلسىز نەسيەلەر قاراستىرىلماعان. جاڭادان قونىس اۋدارعانداردىڭ 90 پايىزى الەۋمەتتىك كومەككە ءزارۋ، كەپىلدىككە بەرەتىن مۇلكى جوق. ۇكىمەتتەن بەرىلەتىن بىررەتتىك جاردەماقى وتە تومەن جانە جەتكىلىكسىز. كوشى-قون كۆوتالارىن ورناتۋدىڭ ءتىپتى كەرەگى جوق. قانداستار وزدەرى قونىستاناتىن جەرلەرىن ءوز ەرىكتەرىمەن تاڭدايتىنداي جاعداي جاساعان ءجون. ازاماتتىق الۋ ماسەلەسىندە ەشقانداي شەكتەۋ دە، مەرزىم دە بولماۋى ءتيىس. سونىمەن قاتار، قانداستاردىڭ جاڭا الەۋمەتتىك ورتاعا تەز بەيىمدەلۋىنە جانە كىرىگۋىنە ىقپالداساتىن ارنايى باعدارلامالار جاساۋ كەرەك - دەدى باحارگۇل تولەگەن.
كەزدەسۋ سوڭىندا «اۋىلدىق» كانديداتتار كەلۋشىلەرگە پارتيانىڭ سايلاۋالدى باعدارلاماسىنىڭ نەگىزگى باعىتتارىن تاپتىشتەپ ءتۇسىندىرىپ بەردى.
سايلاۋعا قاتىساتىن ساياسي ۇيىمداردىڭ ىشىندە قانداستاردىڭ پروبلەماسىن ءوز سايلاۋالدى باعدارلاماسىنا بولەك باعىت رەتىندە قوسقان تەك «اۋىل» حالىقتىق-دەموكراتيالىق پاتريوتتىق پارتياسى.
باحارگۇل تولەگەن - تانىمال توپتاماشى-ەتنوگراف، قازاقستانداعى تۇركى حالىقتارىندا سيرەك كەزدەسەتىن التىن جانە كۇمىس بۇيىمدارىنىڭ بىردەن-ءبىر جەكە مۇراجايىنىڭ يەگەرى بولىپ تابىلادى. قازاق ۇلتتىق كادەسىيلارىن جاساپ شىعاراتىن «ادەمى-اي» كومپانياسىنىڭ پرەزيدەنتى.
ايگەرىم كوكەەۆا – «اۋىل» پارتياسى جاستار قاناتىنىڭ جەتەكشىسى.
