Belgılı akter, Qazaqstannyŋ halyq ärtısı, teatr rejisserı, professor Esmūhan Obaev 85 jasqa qaraǧan şaǧynda ömırden ozdy. Qaraly habardy Mädeniet jäne aqparat ministrlıgı jetkızdı, dep habarlaidy «Adyrna» tılşısı.
«Esmūhan Nesıpbaiūly sanaly ǧūmyryn qazaq teatr önerınıŋ damuyna, sahna mädenietınıŋ örkendeuıne, ūlttyq rejissura men akterlık mekteptıŋ qalyptasuyna arnaǧan körnektı tūlǧa bolatyn. Ūlt mädenietınıŋ mereiın ösırgen, teatr önerınıŋ abyroiyn asqaqtatqan ardaqty azamat qai kezeŋde de önerge adaldyqtyŋ, käsıbıne jauapkerşılıktıŋ ülgısın körsete bıldı. Ol tärbielegen buyn, sahnalaǧan tuyndylar men qalyptastyrǧan körkemdık ūstanym qazaq teatrynyŋ altyn qorynda qala bermek. Ūlttyq mädeniettıŋ damuyna sübelı üles qosqan Esmūhan Nesıpbaiūlynyŋ jarqyn beinesı, şyǧarmaşylyq mūrasy men ǧibratty ǧūmyr joly halqymyzdyŋ jadynda mäŋgı saqtalady dep senemız. Marqūmnyŋ jany jännatta, imany salamat, topyraǧy torqa bolsyn!»–delıngen habarlamada.
Aita keteiık, Esmūhan Obaev – platinaly «Tarlan» täuelsız syilyǧynyŋ, «Parasat» jäne «Barys» ordenderınıŋ iegerı, memlekettık stipendiianyŋ laureaty. Ol är jyldary M. Äuezov atyndaǧy Qazaq memlekettık drama teatrynyŋ qoiuşy-rejisserı, Ǧ.Müsırepov atyndaǧy Balalar men jasöspırımder teatrynyŋ rejisserı, Semeidegı Abai atyndaǧy qazaq drama teatrynyŋ körkemdık jetekşısı jäne bas qoiuşy-rejisserı qyzmetterın atqarǧan edı.
