Qanyqqan maılar, ásirese janýarlardyń maıy júrek aýrýlary qaýpin joǵarylap qana qoımaı, kognıtıvti problemalar, onyń ishinde demenııa qaýpin joǵarylatady. Mundaı málimdemeni Women's Brain Initiative uıymynyń dırektory, dáriger Lıza Moskonı jasady, dep habarlaıdy «Adyrna» «Habar 24»-ke silteme jasap.
«Biz maıly, tátti taǵamdardy jegende enjarlyq jáne uıqyshyldyq sııaqty belgilerdi sezinemiz. Bul belgiler asqazanda emes, mıda týyndaıdy», - dedi ol. Biraq quramynda omega-3 maı qyshqyldary men balyq maıy bar túrli bıologııalyq belsendi qospalardyń mıǵa paıdasyna mamandar kúmándy. Lızanyń aıtýynsha, neırondardyń densaýlyǵyn antıoksıdanttarmen, quramynda S jáne E dárýmenderi kóp taǵamdarmen, beta-karotınmen jáne qabynýǵa qarsy V dárýmenderimen jáne maı qyshqyldarymen qamtamasyz etýge bolady.
«Adyrna» ulttyq portaly
