«Aqsha qaıda ketip jatyr?» Elbasy jaýap berdi

3764
Adyrna.kz Telegram

Nursultan Nazarbaev Túrkistan qalasynyń qurylysyna bólingen aqshanyń qalaı jumsalyp jatqanyn aıtty, dep habarlaıdy «Adyrna» ulttyq portaly. Bul týraly ol «Qazaqstan» Ulttyq Arnasyndaǵy "Túrkistan: kóne men keleshek kópiri" derekti fılminde málimdedi.

«Kópshilik «Aqshany qaıda jiberip jatyr?» dep jıi suraıdy. Astanany salǵanda da solaı bolǵan. Biraq qazir elordaǵa salynǵan bir teńge úsh teńge bolyp qaıtyp jatyr. Sol sııaqty birinshi kezeńde Túrkistanǵa 350 mıllıard teńge jumsalady", - dedi QR Tuńǵysh Prezıdenti.

Sondaı-aq, Nazarbaev belgilengen 160 nysannyń teń jartysy salynyp bitkenin atap ótti. Onyń aıtýynsha, qala qurylysyna qajetti aqshanyń teń jartysyn jekemenshik kompanııalar quıyp jatqan kórinedi.

Derekti fılm barysynda Elbasy
astanany Túrkistan qalasyna aýystyrýǵa qatysty pikirin de bildire ketti.

"Ondaı áńgimelerdiń negizi joq. Biz qazirgi astanamyzdy ári qaraı ulǵaıtamyz. Kezinde 200 myńdaı halqy bar burynǵy Aqmola 1 mln 200 myń turǵyny bar alyp shahar boldy. Nur-Sultan degen ataý aldy. Ony men usynbadym, biraq qarsy da bolǵanym joq. Sebebi, astananyń árbir tasy meniń nusqaýymmen, árbir ǵımarat meniń qatysýymmen salyndy. Sondyqtan ózimizdiń Nur-Sultan qalasyn damytamyz»,-dep jaýap berdi ol.

«Adyrna» ulttyq portaly

Pikirler