Aqtöbede şetelden kelgen investorlar, qazaqstandyq ırı biznes ökılderı jäne ortalyq memlekettık organdardyŋ basyn qosqan «AQTOBE INVESTMENT FORUM – 2025» halyqaralyq investisiialyq forumy öttı, dep habarlaidy "Adyrna".
Şaranyŋ halyqaralyq deŋgeiın aiqyndaǧan basty erekşelık - forumǧa 20 memleketten ökılder jäne 7 elşı qatysty.
Aqtöbe oblysynyŋ äkımı Ashat Şaharov barlyq qatysuşylardy, qonaqtardy jäne şeteldık delegasiia ökılderın qūttyqtap, forum täjıribe almasu, syndarly dialog jürgızu jäne jaŋa bırlesken jobalardy jüzege asyru üşın maŋyzdy alaŋǧa ainalatynyna senım bıldırdı.
«Bız ärqaşan ūzaqmerzımdı jäne özara tiımdı yntymaqtastyqqa aşyqpyz. Bızdıŋ aimaqqa investisiia saludy oilastyratyn kez kelgen investor öz bastamalarynyŋ är kezeŋınde qoldau men jan-jaqty kömek körsetetınıne senımdı bola alady. Aqtöbe oblysy elımızdıŋ özge öŋırlerı arasynda eŋ ülken aumaqqa, bai tabiǧi resurstarǧa, bılıktı kadrlarǧa jäne qolaily geografiialyq ornalasuyna ie. Oblystaǧy 19 myŋnan astam jūmys ıstep tūrǧan käsıporyn, arnaiy ekonomikalyq aimaq, agroönerkäsıptık keşendegı jobalar öŋırdı investisiia üşın erekşe tartymdy etedı», - dep atap öttı Ashat Şaharov.
Oblys äkımı jyl basynan berı öŋır ekonomikasyna 892 milliard teŋge tartylyp, byltyrǧy jylmen salystyrǧanda 129 paiyzǧa artqanyn atap öttı. 2025 jyly jalpy qūny 110 milliard teŋgeden asatyn segız joba jüzege asyryldy, onyŋ ışınde jaŋartylatyn energiia közderınıŋ ırı nysany ıske qosyldy.
Oblys äkımınıŋ qūttyqtau sözınen keiın forumnyŋ ıskerlık baǧdarlamasy tūraqty ösım, önerkäsıptık ärıptestık, auyl şaruaşylyǧyn damytu, sifrlandyru mäselelerıne arnalǧan plenarlyq otyrys pen taqyryptyq sessiialarmen jalǧasty.
Forum 40-tan astam şeteldık kompaniiany, sonyŋ ışınde halyqaralyq ūiymdardy, tehnologiialyq habtardy jäne önerkäsıptık korporasiialardy bırıktırdı. 25 kompaniianyŋ ökılderı bar Qytaidan kelgen investorlar erekşe qyzyǧuşylyq tanytty.
Olar naqty öndırıs salasyndaǧy jobalarǧa, ǧylymdy qajet etetın äzırlemelerge, jaŋa tehnologiialardy engızu bastamalaryna köp köŋıl böldı. Qatysuşy kompaniialardy innovasiialyq jäne äleumettık maŋyzdy jobalar, atap aitsaq, joǧary tehnologiialyq ortalyqtar, önerkäsıptık habtar, qarjy instituttary, öŋdeuşı käsıporyndar men eksporttyq äleuetı bar agroönerkäsıptık keşendegı yntymaqtastyq perspektivalary qyzyqtyrdy jäne halyqaralyq sarapşylardyŋ pıkırınşe, aqtöbelık öndıruşılerdıŋ önımderı aitarlyqtai sapaly, äleuetı joǧary. Oblys äkımı Ashat Şaharovtyŋ aituynşa, öŋırde mäselelerdı tez ärı artyq biurokratiiasyz şeşuge mümkındık beretın qolaily investisiialyq ahual jasalǧan.
Öndırıstık kompaniialar forumǧa belsendı türde qatysyp, jaŋa öndırıstık şeşımder men salany jaŋǧyrtu täsılderın ūsynyp otyr. Olardyŋ qatarynda maşina jasau, metallurgiia, sifrlyq öndırıs jäne medisinalyq infraqūrylym salalaryndaǧy jobalar bar.
Forum qorytyndysy boiynşa 448 mlrd teŋgenı qūraityn 17 memorandum men kelısımge qol qoiyldy. Negızgı jobalarǧa mynalar jatady: Hromtau audanynda 100 MVt jel elektr stansiiasynyŋ qūrylysy (SUNGROW, Qytai); STG zauytynyŋ jobasy (Condor Energies, Kanada); jäne Aqtöbe oblysynda susyndar şyǧaratyn zauyttyŋ qūrylysy (Coca-Cola Almaty Bottlers, Türkiia), metall būiymdaryn şyǧaratyn metallurgiialyq zauyt (Soiuz Metallservis, Qytai); agroönerkäsıptık klasterdı qūru (Harvest Agro Holding, Şveisariia); Aqtöbe qalasynda 180 MVt gazben jūmys ısteitın elektr stansiiasynyŋ qūrylysy (MUREL, Türkiia).
«Aqtöbe» AEA basqaruşy kompaniiasy «Gansiuanbao» ekonomikalyq aimaǧymen (Ürımşı, Qytai) yntymaqtastyq turaly kelısımge qol qoidy.
Şara qonaqtaryna öŋırdıŋ investisiialyq äleuetı körsetılıp, öŋırlık tauar öndıruşılerdıŋ körmesı jäne Aqtöbe oblysynyŋ nysandaryna öndırıstık ekskursiia ūiymdastyryldy.
