Erteń Zarechnyı turǵyn alabyndaǵy Elek ózeni ústinen ótetin kópir ashylady. Kópirde jóndeý jumystaryn júrgizip jatqan merdiger oblys ákimi Eraly Toǵjanovqa osylaı dedi.
22 qyrkúıekte Elek ózeni ústinen ótetin kópir ýaqytsha jóndeýge jabylyp, kólikter Sút zaýyty shaǵyn aýdanyndaǵy aınalma jol arqyly júrip jatqan bolatyn.
Búgin kópirdegi jóndeý jumysynyń barysyn Eraly Toǵjanovtyń ózi baryp kórdi. Qala ákimi Ashat Shaharov pen merdigerge tańǵa deıin kópir ústin tolyq tazalap, jol ústi syzbalaryn jasap, tańda ashýdy tapsyrdy.
Aıta keteıik, bul aǵymdaǵy jóndeý bolǵandyqtan kópir ústindegi shuńqyrlar biteldi. 200 metr jerdi jóndeýge arnaıy tehnıkalar men 15 adam jumyldyrylǵan bolatyn. Jolshylar kúndiz-túni eńbek etti.
Kúzgi qubylmaly aýa raıyna baılanysty joldy tolyǵymen kúrdeli jóndeý múmkin emes. Júk kólikteri kóp qatynaıtyn mańyzy bar jol bolǵandyqtan, kópirdi uzaq ýaqytqa jabý jol qozǵalysyna keri áserin tıgizedi. Kelesi jyly atalmysh jol tolyǵymen merdiger uıymmen kepildik mindettemeler sheńberinde kúrdeli jóndeýden ótedi.
