Bozjyra shatqalynda qonaq úı salyna ma?

1995
Adyrna.kz Telegram

Jaqynda Bozjyra tabıǵı qoryǵynyń janynan qonaq úı salý jobasy usynylǵan bolatyn.  Alaıda bul joba qoǵamda qyzý talqyǵa tústi. Memleket basshysy halyqtyń teris pikirin eskere otyryp, qonaq úı salý máselesin qaıta qaraýdy tapsyrdy. Bul týraly Prezıdenttiń baspasóz hatshysy Berik Ýálı Facebook jelisindegi resmı paraqshasynda jazdy, dep habarlaıdy «Adyrna» ulttyq portaly.

«Mańǵystaý oblysynda týrızmdi damytý – Úkimetke júktelgen mańyzdy mindetterdiń biri. Búginde bul baǵytta jumystar bastalyp ketti. Bes juldyzdy qonaq úı salynyp, jaıly meımanhanalardyń tutas jelisin qurý josparlanyp otyr. Mundaı júıeli jumystar aımaqtyń týrıstik tartymdylyǵyn arttyratyny sózsiz.

Jaqynda Bozjyra tabıǵı qoryǵynyń janynan qonaq úı salý jobasy usynyldy. Ókinishke qaraı, qazirgi kezde qoryqtyń aınalasyndaǵy týrızm tabıǵatty qorǵaý sharalaryn saqtamaı, beıbereket damyp jatyr. Bul osy erekshe tabıǵat qoraǵyna orasan zııanyn tıgizýde»,-dedi ol.

Baspasóz hatshysy Prezıdenttiń ekologııalyq týrızmdi órkenıetti jolmen damytýdy qoldaıtynyn atap ótti.

«Ol úshin qajetti ınfraqurylym, eń aldymen, jaıly qonaqúıler qajet. Sondyqtan Memleket basshysy Úkimetke qonaq úı salý jobasyn qaıta qaraýdy tapsyrdy. Biraq, bul joba osymen toqtaıdy degendi bildirmeıdi. Qoǵamdyq keńesterdiń, ekolog sarapshylardyń jáne memlekettik vedomstvolardyń oı-pikirleri eskerile otyryp, qonaq úı salýǵa arnalǵan basqa yńǵaıly jer tańdalady»,- dep sózin qorytyndylady Berik Ýálı.

«Adyrna» ulttyq portaly

Pikirler