Búgin túnde, saǵat 00:07-de Buqar jyraý aýdany, Botaqara aýylynda eki qabatty, 12 páterli turǵyn úıde jarylys bolǵan, dep habarlaıdy “Adyrna” ulttyq portaly 24kz arnasyna silteme jasap.
Belgili bolǵandaı, 2014 jyly salynǵan páterde ortalyq jylý júıesi bolmaǵan. Páterge jóndeý jumystaryn jasaý kezinde jóndeýshiler gaz ballonyn janyp turǵan peshtiń janyna qoıyp, saldarynan jarylys paıda bolǵan. Bul týraly Qaraǵandy oblysy TJD bastyǵynyń orynbasary Amanbek Beısembaev aıtty.
Birinshi jáne ekinshi qabattaǵy páterler jartylaı zaqymdanǵan. Oqıǵa kezinde turǵyn úıde turatyn 46 adamnyń 35-i úıde bolǵan.
Qutqarý jumystary kezinde er adam men áıel adamnyń óli denesi, sondaı-aq 5 adam jaraly kúıinde tabyldy.
3 bala túrli dene jaraqattarymen Buqar jyraý aýdandyq aýrýhanasyna jetkizildi.
Oqıǵa ornyna jedel shtab qurylyp, jumysqa 139 adam men 32 tehnıka jumyldyryldy.
“Adyrna” ulttyq portaly
