Qaraǧandyda gaz ballony jaryldy. Saldarynan 4 päter zardap şektı, ekı adam auruhanaǧa jetkızıldı. Būl turaly oblystyq tötenşe jaǧdailar departamentı mälımdedı, dep habarlaidy “Adyrna” ūlttyq portaly.
Oqiǧa 21 qaŋtar künı saǧat 18:51-de Qaraǧandy qalasyndaǧy Şors köşesı, 37-üide bolǧan.
«Ekı qabatty tūrǧyn üide gaz ballony jaryldy (kölemı 5 l). Ört bolǧan joq. Jarylys saldarynan №6 (2-şı qabatta) jäne ışınara №4, 5 (2-qabatta) jäne 3 (1-qabatta) päterlerde aǧaş qabyrǧalar qirap, aldyn ala boljam boiynşa üidıŋ 36 şarşy metr alaŋy bülındı», - dep habarlaidy Qaraǧandy oblysy Tötenşe jaǧdailar departamentınıŋ baspasöz qyzmetınen.Jarylys saldarynan 53 jastaǧy er adam men 54 jastaǧy äiel zardap şektı. Olar küiık jaraqattarmen Qaraǧandy qalasyndaǧy oblystyq medisina ortalyǧyna jatqyzyldy. Oqiǧa ornynda oblystyq TJD-nıŋ 36 qyzmetkerı jäne 8 tehnikasy jūmys ıstep jatyr. Qala äkımdıgı baspanalary bülıngen tūrǧyndarǧa jataqhanadan oryndar ūsyndy. Oqiǧanyŋ män-jaiy anyqtalyp jatyr.
Ūqsas jaŋalyqtar
