2026 jyldyŋ qaŋtarynda Qazaqstan mūnaiyn älemdık naryqtarǧa jetkızu kölemı Kaspii qūbyr konsorsiumy arqyly aitarlyqtai azaidy, dep habarlaidy "Adyrna" ūlttyq portaly Bloomberg agenttıgıne sılteme jasap.
Agenttık taratqan aqparatta, mūnai jetkızu josparlanǧan deŋgeiden şamamen 45%-ǧa tömendegen. Būǧan qolaisyz aua raiy, jöndeu jūmystarynyŋ sozyluy jäne drondar şabuylynyŋ saldary äser etken.
Treiderlerdıŋ mälımetınşe, osy aida CPC Blend markaly mūnai eksporty täulıgıne 800–900 myŋ barreldı ǧana qūraidy. Ūsynystyŋ tapşylyǧy baǧanyŋ ösuıne äkelıp, qazaqstandyq mūnai bır jylda alǧaş ret premiiamen saudalana bastady. Soŋǧy mämıleler Dated Brent etalonyna barrelı $1,2 üstememen jasalǧan.
Negızgı mäsele — Novorossiisk maŋyndaǧy teŋız terminalynyŋ jūmysy. Tolyq jükteu üşın ekı şyǧyrmaly ailaq qūrylǧysy qajet, alaida qazır olardyŋ bıreuı ǧana tūraqsyz rejimde jūmys ıstep tūr.
Soŋǧy aptalarda dauyl saldarynan mūnaidy tieu jūmystary da bırneşe ret toqtady. Ekınşı stansiianyŋ tehnikalyq qyzmetten oraluy keşıgıp jatyr. Al ailaq qūrylǧysy qaraşanyŋ soŋynda zaqymdanǧan.
Energy Aspects sarapşylarynyŋ aituynşa, terminaldaǧy üzdıksız ırkılıster Brent markasyna sūranysty qoldap otyr.
Al Qazaqstan täulıgıne şamamen 1,8 mln barrel mūnai öndıredı. KQK tolyq quatta jūmys ıstemese, balama baǧyttarmen eksport kölemı būl körsetkıştıŋ jartysyna ǧana jetedı. Ūzaqqa sozylǧan ırkılıs ken oryndarynda mäjbürlı öndırıs qysqaruyna äkeluı mümkın.
Kaspii qūbyr konsorsiumy — Qazaqstan mūnaiyn Resei aumaǧy arqyly Novorossiisk portyna jetkızetın negızgı eksporttyq marşrut. Konsorsium aksionerlerı qatarynda Qazaqstan, Resei jäne Chevron, ExxonMobil bar.
Aita keteiık, soŋǧy şabuyldan keiın ailaq qūrylǧysy ötken jyldyŋ 29 qaraşasynda toqtaǧan edı.
