«Qazaqtyń tili baı, sózdik qory mol» dep jatamyz. Iá, bul ras.
Ahmet Baıtursynuly atyndaǵy Til bilimi ınstıtýtynyń bas ǵylymı qyzmetkeri, fılologııa ǵylymdarynyń doktory, professor Nurgeldi Ýálıuly «HV-HVII ǵ.ǵ. qazaq memlekettigimen baılanysty qazaq tilinde jazylǵan ártúrli jazba mátin, qujat nusqalar boldy. Demek jazba til bolǵany haq. Qazaq han-sultandarynyń buıryq-jarlyqtary, kórshi eldermen jazysqan dıplomatııalyq qatynas qaǵazdary, ózara jazysqan hattary t.b. eski qazaq jazba tiliniń úlgi-nusqalary bolyp sanalady. Akademıkter Á.Marǵulan, R.Syzdyq t.b. ǵalymdar Qadyrǵalı bı Jalaıyrıdyń, Ábilǵazy Bahadúrdiń «Túrik shejiresin» eski bastaý kózderine jatqyzady. Prof. Babash Ábilqasymov qazaq jazba tiliniń «Túrkistan ýálaıaty» (1870-1882), «Dala ýálaıaty» gazetterin qazaq jazba tiliniń eski úlgileri dep tanıdy, qazirgi jarııalanyp jatqan Máshhúr Júsip muralarynda eski qazaq jazba tiliniń úlgileri molynan kezdesedi», — degen bolatyn
Ult janashyry Ahmet Baıtursynulynyń termın jasaý barysyndaǵy ustanǵan basty qaǵıdaty qazaq tiliniń ishki resýrstaryn, leksıkalyq baılyǵyn, sózjasam təsilderin múmkindiginshe paıdalaný bolǵanyn bilemiz. Sózdik qorymyzdy ulttyq negizde damytý jolynda eski qazaq jazba tilindegi el-jurt, jer-sý ataýlary, astronomııalyq, áskerı-əkimshilik termınder jáne t.b. óz septigin tıgizeri sózsiz. Alaıda eski qazaq jazba tili áli de tolyq zertteýdi qajet etip otyr.
Qýanysh Jumabekuly
PhD doktory, Ahmet Baıtursynuly atyndaǵy Til bilimi ınstıtýtynyń ǵylymı qyzmetkeri
Feısbýk paraqshasynan
