Shymkent qalasynda Ótemis eldimekeninde ornalasqan «Ótemis» kanalynynyń sý ótkizý qabilettiligin, syıymdylyǵyn arttyrý úshin 10 shaqyrymǵa betondalǵan kúrdeli jóndeý jumystary júrgizilýde. Jóndeý jumystary josparǵa sáıkes jyl sońyna deıin aıaqtalady.
Kanaldaǵy atqarylyp jatqan qurylys jumystarynyń barysymen tanysý úshin Shymkent qalasynyń aýylsharýashylyq jáne veterınarııa basqarmasynyń basshysy Asqar Qanybekov pen Qarataý aýdanynyń ákimi Abzal Áliqulov Shapyrashty jáne Ótemis eldimekenine baryp, ondaǵy turǵyndarmen kezdesti.
Kezdesý barysynda «Ótemis» kanalynda júrip jatqan qurylys jumystary týraly eldimeken turǵyndary tarapynan kóterilgen máseleler, ótinish-tilekteri tyńdaldy.
Kanaldyń jalpy uzyndyǵy 10 shaqyrym, al irgeles jatqan jer kólemi 369 ga. Qazirigi tańdaǵy sý ótkizý qabilettiligi 1 tekshe metrdi quraıdy. Kanaldan Ótemis eldimekeni turǵyndarynyń 312 úı irgelik jáne 15,6 ga jerlerine aǵyn sý jetkiziledi. Kanaldyń sý ótkizý qabilettiligi tómen bolǵandyqtan, qazir tek 90 gektar jer ǵana paıdalanylyp jatyr.
Qalalyq aýylsharýashylyq jáne veterınarııa basqarmasynyń basshysy Asqar Qanybekovtiń aıtýynsha, jóndeý jumystary tolyq aıaqtalar bolsa, munda 369 ga egis alqaby tolyǵymen ıgerilip, sý ótkizý qabilettiligi 1,5 tekshe metrge deıin ulǵaıady deıdi. Sondaı-aq, jylyna 250 tonna kókónis daqyldary, 100 tonna dándi-daqyldar jáne 350 tonna mal azyǵyn daıyndaýǵa múmkinshilik bolady.
Shymkent qalasy ákiminiń baspasóz qyzmeti
