Qazaqstan Respýblıkasynyń Tuńǵysh Prezıdenti N.Á. Nazarbaevtyń Jarlyǵymen qurylǵan L.N. Gýmılev atyndaǵy Eýrazııa ulttyq ýnıversıtetiniń 25 jyldyǵy aıasynda búgin, 6 qarashada Jýrnalıstıka jáne saıasattaný fakýlteti Baspasóz jáne baspa isi kafedrasynyń uıymdastyrýymen «5V042200–Baspa isi» mamandyǵy boıynsha ctýdentter arasynda IV Respýblıkalyq pándik onlaın olımpıada ótti.
«Baspa isi» bilim berý baǵdarlamasy boıynsha olımpıadaǵa Qazaqstannyń joǵary oqý oryndary ǵana emes, reseılik stýdentter de baq synady. Atap aıtsaq, L.N. Gýmılev atyndaǵy Eýrazııa ulttyq ýnıversıtetiniń «Armandastar», «Pablıshers» (Publishers), «Muzbalaq», «Qyran», «Fortýna» komandalary. Ál-Farabı atyndaǵy qazaq ulttyq ýnıversıtetiniń Qoltańba», «Sózmergen», «Tastúıin», «Bitik» komandalary jáne Reseıden Qıyrshyǵys federaldy ýnıversıtetiniń (Dalnevostochnyı federalnyı ýnıversıtet) «Dalızdat» komandasy saıysqa tústi.
L.N. Gýmılev atyndaǵy Eýrazııa ulttyq ýnıversıtetiniń Áleýmettik-mádenı damý jónindegi prorektory, professor Dıhan Qamzabekuly dástúrli dodanyń shymyldyǵyn ashyp, ýnıversıtetimizdiń tarıhy men jetistikterine az-kem toqtala kele, aıtýly sharanyń halyqaralyq deńgeıde ótkizilý mańyzyn tilge tıek etti.
Odan ári sóz alǵan ýnıversıtettiń Akademııalyq máseleler departamenti dırektory Baıjuman Qashqynbaı búgingi olımpıadanyń maqsat-mindetin aıta kele, qatysýshylarǵa sáttilik tiledi.
Taǵylymy tereń, mazmuny baı, jaýapkershiligi joǵary halyqaralyq saıystyń uıymdastyrylýyna uıytqy bolyp, basshylyq etken Jýrnalıstıka jáne saıasattaný fakýltetiniń dekany, professor Qaırat Ómirbaıuly Saq: «1920 jyly 3 qarashada Qazaq ASSR-i Ortalyq atqarý komıtetiniń «Qazaq memlekettik baspasyn qurý týraly» dekreti qabyldanǵan bolatyn. Elimizdegi tuńǵysh qazaq baspasynyń ashylǵanyna bıyl 100 jyl tolyp otyr. Olımpıadanyń osy merekelik datamen tuspa-tus kelýi beker emes. Baspa isi mamandyǵy boıynsha ótkizilip otyrǵan búgingi halyqaralyq olımpıadamyz ǵasyr burynǵy baspa salasynyń izin jańasha jańǵyrtyp qana qoımaı, stýdentterdiń redaktorlyq sheberlikterin damytýdy jáne bolashaq baspagerlerdiń jańa tehnologııany meńgerý deńgeıin anyqtaýdy kózdeıdi. Qatysýshylarǵa jeńis pen jemis tileımin!», - dedi.
Qazaq jáne orys tilinde ótkizilgen IV Respýblıkalyq onlaın olımpıadanyń maqsaty – bolashaq baspa isi mamandarynyń kásibı quzirettiligin damytý bolatyn.
Baspa isi mamandyǵynyń sapasyn arttyrýdy, talantty, bilimdi, úzdik stýdentterdi anyqtaý, stýdentterdiń ózindik oı-kózqarasyn qalyptastyrý, kreatıvti oılaý qabiletin arttyrýdy maqsat etken bilim báıgesiniń qazylar alqasy quramyna tanymal tájirıbeli baspagerler men redaktorlar bekitildi.
Olar: Ádilqazylar alqasynyń tóraǵasy - «Folıant» baspasynyń bas dırektory Nurlan Sársenbiuly Isabekov. Ádilqazylar alqasynyń músheleri - «Folıant» baspasynyń bas redaktory Aleksandr Iýrevıch Serov, QR Jazýshylar Odaǵynyń Nur-Sultan qalasy fılıalynyń dırektory Dáýletkereı Kápuly, «Kazahstanskaıa pravda» gazetiniń bas redaktory Asyl Ulanuly Saǵymbekov, «Káýsar» baspasynyń dırektory Qýat Qurmanseıit, «Aıqyn» gazeti bas redaktorynyń orynbasary Amangeldi Qurmet.
Bolashaq baspagerlerdiń bilim báıgesin Sanakova Saıana, Ál-Farabı Serikov, Baımentaev Erasyl syndy fakýltettiń ónerli jastary ánmen aıshyqtap, kúımen kómkerdi.
Daralardy daralaıtyn dúbirli doda III týrdan quraldy.
I týrda ár komanda ózderiniń urany men emblemasyn slaıd nemese vıdeorolık túrinde tanystyrsa, II týrda «Qazirgi baspa isi», «Baspa-redakııalyq úderistiń tehnologııasy», «Baspa isiniń negizderi», «Kitaptaný», «Qazirgi polıgrafııalyq tehnologııalar» boıynsha test suraqtaryna jaýap berdi. Al III týrda saıysker «Úzdik esse», «Úzdik redaktor» nomınaııalary boıynsha baqtaryn synady. Iaǵnı, «Úzdik esse» nomınaııasynda ár topqa «Kezdeısoq sandar generaııasy» arqyly esse taqyryptary usynylyp, qatysýshylar generaııa arqyly tańdaǵan taqyryp boıynsha esse jazdy. Esse jazý barysynda qatysýshylar vıdeokamera aldynda otyryp, qazylar alqasy qatysýshylardyń jumys barysyn baqylady.
«Úzdik redaktor» nomınaııasynda uıymdastyrýshylar tarapynan daıyndalǵan qate mátinderdi óńdedi. Nomınaııa boıynsha jazba jumystary vıdeokamera aldynda oryndaldy.
10 top saıysqan onlaın-olımpıada qorytyndysy boıynsha qazaq bóliminde 1 oryn - Qurmanseıitov Serik (EUÝ); 2-oryn - Muhıtqyzy Dıana (QazUÝ), Bolatbek Hýralaı (EUÝ); 3-oryn - Alpysbaı Arýjan (EUÝ), Aralbek Jibekke (QazUÝ) buıyrdy. Al úzdik óner kórsetkeni úshin Nurbek Qoshkelgen (QazUÝ) men Quraqpaeva Nuraı (EUÝ) marapattaldy
Al orys bólimi boıynsha 1 oryndy Slabospıkaıa Anastasııa (DVFÝ) men Ómirbaı Aqbota (EUÝ); 2 oryndy Dıýsıýkeeva Dana (EUÝ) men Sheveleva Aleksandra (DVFÝ), al 3 oryndy Grıshına Vladıslava (EUÝ) men Iakýsheva Anna (DVFÝ) ıelendi.
Grıshın Vladıslav «Úzdik redaktor», al «Úzdik esse» nomınaııasyn Popenko Ksenıı qanjyǵalady.
Al úzdik óner kórsetkeni úshin Popenko Ksenııa, Kojekova Saltanat jáne Mýrat Madına marapattaldy.
Saıys barysynda fakýltet dekany Qaırat Saq pen Baspasóz jáne baspa isi kafedrasynyń meńgerýshisi, doent Gúlmıra Shaıtmaǵanbetqyzy Áshirbekova qazylar alqasy men qatysýshylarǵa aıryqsha alǵystaryn bildirip, ómir joldaryna sáttilik tiledi.
Ádiletti, obektıvti baǵaǵa rıza bolǵan qatysýshylar uıymdastyrýshy tarapqa shynaıy lebizderin bildirip, aldaǵy ýaqytta bilim báıgesiniń oflaın ómirde jalǵasyn tabýyna tilekshi bolyp, tarasty.
Gúljazıra ERTASOVA,
Qazaqstan Jýrnalıster odaǵynyń múshesi
