Búgin qala ákimi Murat Áıtenovke 9 aıdyń qorytyndysy boıynsha Abaı aýdanynyń ákimi Buharbaı Parmanov esep berdi.
Esepti kezdesýge qala ákiminiń orynbasarlary, basqarma basshylary men aýdandyq polıııa bólimderiniń basshylary qatysty. Aýdan ákimi óz baıandamasynda 9 aıdaǵy atqarylǵan jumystaryn, jetken jetistikterin aıtty.
Aýdannyń barlyq múmkindikterin baǵamdaǵan Murat Áıtenov keıbir salalar boıynsha birmasha eskertýler jasap, naqty tapsyrmalar júktedi.
Máselen, shalǵaı eldi mekenderi bar Abaı aýdany aýyl sharýshylyǵyn damytýǵa qolaıly ólke. Jalpy munda aýyl sharýashylyǵyna arnalǵan jer kólemi 26 myń gektardan asady. Tórt túlik sany byltyrǵy jylǵa qaraǵanda 44 paıyzǵa ósken. Sharýashylyqty damytýǵa 197 mln teńge kóleminde sýbsıdııa bólingen. Osyny tilge tıek etken qala ákimi et jáne sút ónimin óndirý azaıǵanyn aıtty. Aýyl sharýashylyǵy ónimderi qalany áli kúnge deıin tolyq qamtamasyz ete almaı otyrǵanyn synady.
- Árbir turǵyn alaptar men shaǵyn aýdannyń jeke potenıalyn zerdeleı otyra, barlyq eldi mekendi jumyldyryp aýyl sharýashylyǵyn damytýdyń naqty júıesi jasalý kerek. Sonymen qatar, mal bordaqylaý oryndaryna asa mán berilsin. Sanıtarlyq normalardyń qatań saqtalýy baqylaýǵa alynsyn, - dedi Murat Áıtenov.
Odan ózge, aýdanda turǵyn úı salý qurylysynyń báseńdegenin jetkizdi. Osy boıynsha aýdanǵa ınvestorlar tartyp, olarǵa qolaıly jaǵdaı jasaý jóninde aýdan ákimdigi men turǵyn úı basqarmasynyń basshysyna tapsyrma berdi. Apatty jaǵdaıdaǵy úılerge mán berip, kóp qabatty úılerdiń qasbetterin retke keltirý kerektigin aıtty.
Shahar basshysy debıtorlyq qaryzdar jóninde de eskertý jasady. «Qaryzdar jylý maýsymy bastalmaı turyp óndirilýi kerek. Bul máseleni sheshý úshin jaqyn arada usynys daıyndańyzdar» - dedi.
Qorytyndylaı kele, Prezıdent tapsyrmasyna sáıkes halyqpen keri baılanysty kúsheıtýdi tapsyrdy. iKomek arqyly máselege jedel den qoıylyp, qala turǵyndary atqarylǵan jumysty kóre alýy mańyzdy ekenin aıtty. Sondaı-aq, retsiz saýda oryndary, jabyq bazar men ondaǵy janýarlar saýdasyn tez arada retke keltirýdi tapsyrdy. Murat Dúısenbekuly - ákimdikter zańsyzdyqqa qarsy áreketsiz qalmaýy kerek dep sózin túıindedi.
Shymkent qalasy ákiminiń baspasóz qyzmeti
